فوتو: Tengrinews.kz / اليحان ساريەۆ
توتەنشە جاعدايلار ءمينيسترى سىرىم ءشارىپحانوۆتىڭ ايتۋىنشا, پوليتسيا قىزمەتكەرلەرى ارنايى قۇجاتى جوق حوستەل يەلەرىن جانە جالعا الۋشىلاردىڭ تۇرعىلىقتى مەكەنجايىن انىقتاپ جاتىر. الماتى پوليتسيا دەپارتامەنتى بۇل ىسكە قاتىستى بولۋى مۇمكىن كۇدىكتىلەردىڭ ازىرگە تەرگەلمەگەنىن ايتتى.
«بۇل ادامداردىڭ جەكە باسى انىقتالدى. قازىرگى ۋاقىتتا ولاردىڭ تۇرعان جەرىن انىقتاۋ شارالارى جۇرگىزىلىپ جاتىر. ازىرگە ولاردىڭ ەشقايسىسىنان جاۋاپ الىنعان جوق. قازىر بارلىق قۇجاتتامانى جيناپ جاتىرمىز», دەدى الماتى قالاسى ءىىد تەرگەۋ باسقارماسىنىڭ باسشىسى ايبات مۋرزاماديەۆ.
ەسكە سالا كەتەيىك, 30 قاراشا كۇنى ساعات 05:33-تە الماتىداعى ءادي ءشارىپوۆ كوشەسىندەگى جاتاقحانادا ءورت شىققانى تۋرالى حابار تۇسكەن. اپات سالدارىنان 13 ادام قازا تاپتى, ونىڭ تورتەۋى شەتەل ازاماتتارى.
