فوتو: aikyn.kz
ء«بىلىم بەرۋ جانە تالىمگەرلىك ماسەلەلەرى تۋرالى» زاڭ جوباسى بويىنشا بايانداما جاساعان ءماجىلىس دەپۋتاتى اسحات ايماعامبەتوۆ ەلىمىزدە سالىنعانىنا 30-50 جىل, ءتىپتى, 100 جىلدان اسقان مەكتەپتەر بار ەكەنىن ايتتى.
«بۇگىندە ەلىمىزدە 442 ەسكى, 239 ساماننان جاسالعان, 52-دەن اسا اپاتتى جاعدايداعى مەكتەپ بار. وسى مەكتەپتەردى ءتيىستى مەرزىم سايىن تەكسەرىپ وتىرۋ كەرەك. اتا-انا بالاسىن مەكتەپكە, بالاباقشاعا جىبەرگەندە پەرزەنتىنە قانداي دا ءبىر قاۋىپ ءتونىپ تۇر دەپ ويلانباۋى ءتيىس. زاڭنامادا مەكتەپتەردىڭ اپاتتىلىعىن تەكسەرۋدى اكىمدىك 5 جىل سايىن قامتاماسىز ەتۋ تالابى بەكىتىلدى. 30 جىلدان اسقان مەكتەپتەر ينۆەرتيزاتسيادان وتەدى, مەملەكەت باسشىسىنىڭ تاپسىرماسىنا ساي جىلىنا 1000 مەكتەپ جوندەۋدەن ءوتىپ جاتىر, وسى شارا اياسىندا ءبىرىنشى كەزەكتە وسىنداي مەكتەپتەر باسشىلىققا الىنۋ كەرەك», دەدى اسحات ايماعامبەتوۆ.
ال, وقۋ-اعارتۋ مينيسترلىگى بيىل ءتۇرلى قاراجات كوزدەرى ەسەبىنەن 22 مەكتەپتىڭ قۇرىلىسى جوسپارلانىپ, 7 مەكتەپتىڭ جوبالىق-سمەتالىق قۇجاتى دايىندالعانىن جەتكىزدى.
