فوتو: الماتى قالاسى اكىمدىگىنىڭ ءباسپاسوز قىزمەتى
قالا باسشىسى زارداپ شەككەندەر مەن ەۆاكۋاتسيالانعاندارعا قولداۋ كورسەتۋ ءۇشىن اكىمدىك بارلىق شارالاردى قابىلداعانىن اتاپ ءوتتى. قازىرگى تاڭدا اۋدان اكىمدىگى بارلىق ەۆاكۋاتسيالانعان ازاماتتاردى جەدەل تۇردە ۋاقىتشا باسپانامەن جانە ازىق-ت ۇلىكپەن قامتاماسىز ەتتى.
دەنساۋلىق ساقتاۋ باسقارماسى قاجەتتى مەديتسينالىق جانە پسيحولوگيالىق كومەكتى تولىق كولەمدە كورسەتەدى.
ەربولات دوساەۆ قازا بولعانداردىڭ تۋىستارى مەن جاقىندارىنا كوڭىل ايتتى.
بۇعان دەيىن الماتىداعى جاتاقحانادا 30 قاراشا كۇنى تاڭەرتەڭ بولعان ورتتەن 13 ادام قازا تاپقانىن حابارلاعان ەدىك. وقيعا ورنىنان 59 ادام ەۆاكۋاتسيالانىپ, ونىڭ ۇشەۋى جەدەل جاردەم اۋرۋحاناسىنا جەتكىزىلدى. 56 ادام جاقىن ماڭداعى مەكتەپ عيماراتىنا ۋاقىتشا ورنالاستىرىلدى.
الماتى اكىمىنىڭ ايتۋىنشا, قازا تاپقاندار قازاقستان, وزبەكستان جانە رەسەي ازاماتتارى.
