الماتى قالالىق توتەنشە جاعدايلار دەپارتامەنتىنىڭ باسشىسى نۇرلان اتىعاەۆ ەۆاكۋاتسيالانعان ادامداردىڭ كوبى شەتەلدىكتەر ەكەنىن ايتتى.
«حوستەل اكىمشىلىگىنىڭ سوزىنشە, ءوز بەتىمەن سىرتقا شىققان ادامداردىڭ دەنى وزبەكستان, قىرعىزستان, پاكىستان ەلىنىڭ ازاماتتارى. ارالارىندا قازاقستان ازاماتتارى دا بار. قازا تاپقانداردىڭ كىم ەكەنى انىقتالىپ جاتىر. حوستەلدىڭ اشىلعانىنا 1 جارىم اي بولعان», دەدى نۇرلان اتىعاەۆ.
سونداي-اق دەپارتامەنت باسشىسى جەرتولەدەن اشىلعان حوستەلدە ادامداردى تۇرعىزۋ زاڭسىز ارەكەت دەپ باعالادى.
ء«ۇش قاباتتى عيماراتتىڭ جەرتولەسىنەن حوستەل اشقان. بۇل نەگىزى زاڭعا قايشى. سەبەبى جەرتولە قانشا جەردەن جابدىقتالسا دا ادام تۇرۋعا ارنالماعان», دەدى ن.اتىعاەۆ.
ەسكە سالايىق, بۇعان دەيىن الماتىدا حوستەل ورتەنىپ, 13 ادام قازا بولعانىن حابارلادىق.
