جەرەبە جەرلەستەرىمىزدى جاپونيامەن جولىقتىردى. بۇل كەزدەسۋ 12-13 ءساۋىر كۇندەرى كۇنشىعىس ەلىندە وتەدى. بۇعان دەيىن اتالعان جارىستىڭ ىرىكتەۋ سايىستارىندا اتالعان كوماندالار ءوزارا بەس مارتە كۇش سىناستى. سول باسەكەلەردىڭ تورتەۋى جاپونداردىڭ جەڭىسىمەن اياقتالدى. قازىرگى كەزدە الەمدىك رەيتينگتە قازاقستان كومانداسى 9-ورىندا تۇرسا, قارسىلاستارىمىز 20-ساتىعا تۇراقتادى. بۇل كۇندەرى جاپونيادا جەكەلەگەن تەننيسشىلەر اراسىندا جاسىنداي جارقىلداپ جۇرگەن ەشكىم جوق. ولاردىڭ ەڭ ۇزدىك ويىنشىلارى WTA تىزىمىندە مىناداي ورىندارعا جايعاستى: ناو حيبينو – 95-ورىن, ماي حونتاما – 117-ورىن جانە مويۋكا ۋچيدجيما – 198-ورىن. وزگەلەردىڭ كورسەتكىشتەرى ودان دا تومەن.
كەزىندە جاپونيا قۇراماسىن ايگىلى ناومي وساكانىڭ ورگە سۇيرەگەنىن جاقسى بىلەمىز. 2018-2021 جىلدار ارالىعىندا ول اقش پەن اۋستراليانىڭ اشىق بىرىنشىلىكتەرىن ەكى رەتتەن ۇتىپ, WTA تۋرنيرلەرىنىڭ جەتى دۇركىن جەڭىمپازى اتاندى. الايدا كەلەسى جىلى دەكرەتتىك دەمالىستان كەيىن قايتا كورتقا شىعۋدى جوسپارلاپ وتىرعان وساكانىڭ بىردەن بابىنا كەلۋى ەكىتالاي.
