فوتو: سەنات
ەلەكتر ەنەرگياسىن بىرىڭعاي ساتىپ الۋشى «جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ-قارجى ورتالىعى» جشس بولىپ بەلگىلەنگەنىن ايتا كەتكەن ءجون. ول «ەلەكتر ەنەرگياسى مەن قۋاتى نارىعىنىڭ قازاقستاندىق وپەراتورى» اق ەلەكتروندى الاڭىندا كۇن سايىن ورتالىقتاندىرىلعان ساۋدا-ساتتىق جۇرگىزۋ ارقىلى جوسپارلى تۇردە وتاندىق ەلەكتر ستانتسيالارىنان ءبىر تاۋلىك بۇرىن ەلەكتر ەنەرگياسىن ساتىپ الادى.
«بۇگىنگى شارانىڭ نەگىزگى ماقساتى − اكىمشىلىك رەفورما ماسەلەلەرى بويىنشا قابىلدانعان زاڭ اياسىندا 2023 جىلعى 1 شىلدەدەن باستاپ قولدانىستاعى ەلەكتر ەنەرگياسىن ورتالىقتاندىرىلعان ساتىپ الۋ مەن ساتۋدىڭ جاڭا ۇلگىسىنىڭ جۇمىس ىستەۋىنىڭ وزەكتى ماسەلەلەرىن تالقىلاۋ», دەپ اتاپ ءوتتى سۇيىندىك الداشەۆ.
قاتىسۋشىلار وتىرىس بارىسىندا نارىقتىڭ جاڭا ۇلگىسى اياسىندا ەلىمىزدىڭ ەلەكتر ەنەرگەتيكا جۇيەسىنىڭ جۇمىسى جونىندەگى ماسەلەلەردى قارادى, سونداي-اق بىرىڭعاي ساتىپ الۋشىنىڭ ۇلگىسىن ودان ءارى جەتىلدىرۋگە قاجەتتى مىندەتتەردى تالقىلادى.
جيىندا ەنەرگەتيكا مينيسترلىگىنىڭ, «KEGOC» اق جانە «جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ-قارجى ورتالىعى» جشس وكىلدەرى ءسوز سويلەدى.
سەنات دەپۋتاتتارى سونىمەن قاتار ەلەكتر ەنەرگياسىنىڭ ورتالىقتاندىرىلعان ساۋدا-ساتتىعىن ونلاين-رەجيمدە وتكىزۋ بارىسىمەن, سونداي-اق جۇيەلىك وپەراتوردىڭ ۇلتتىق ديسپەتچەرلىك ورتالىعىنىڭ قىزمەتىمەن تانىستى.
