دۇيسەنبىدە پودولسكىنىڭ «ۆيتياز» كلۋبىن قابىلدادى. باسەكە باستالعان بەتتە كيريلل ساۆيتسكي ادەمى گول سوعىپ, ايدىن يەلەرىن العا شىعارعاندا كادىمگىدەي شاتتانىپ, الاقانىمىزدى ىسقىلاپ وتىرعان ەدىك. بىراق بۇل قۋانىشىمىز كوپ ۇزاماي سۋ سەپكەندەي باسىلدى. ودان كەيىن ويىن قوناقتاردىڭ ايقىن باسىمدىعىمەن ءوتتى. ء«ۆيتيازدىڭ» ويىنشىلارى «بارىستىڭ» قاقپاسىن بەس رەت ءدال كوزدەدى. بۇل گولداردىڭ اۆتورلارى – يۆان ساۆچيك (4-مينۋت), دەرەك باراك (11-مينۋت), الەكساندر دارين (27-مينۋت), سكوتت ۋيلسون (47-مينۋت) جانە الەكساندر يارەمچۋك (48-مينۋت). تەك كەزدەسۋ اياقتالار تۇستا اركادي شەستاكوۆ ەسەپ ايىرماشىلىعىن قىسقارتتى – 2:5.
ءسويتىپ, قۇرلىقتىق حوككەي ليگاسىندا (قحل) كۇللى قازاقستاننىڭ نامىسىن قورعاپ جۇرگەن جالعىز كلۋبىمىزدىڭ جاعدايى كۇن وتكەن سايىن ناشارلاپ بارادى. قازىرگى كەزدە جەرلەستەرىمىز ارتىنان ساناعاندا ەكىنشى ورىندا كەلەدى.
