كۋرسانت وبلىستىق فتيزيوپۋلمونولوگيالىق ورتالىققا 21 قاراشا كۇنى ساعات 15:29-دا جەتكىزىلگەن. بىردەن جانساقتاۋ بولىمىنە ءتۇستى. وعان ەكى جاقتى پنەۆمونيا دياگنوزى قويىلعان. قوس وكپەسىنىڭ 80 پايىزى زاقىمدانعان بولىپ شىقتى.
«ينفەكتسيالىق-توكسيكالىق شوك بولدى. ينفەكتسيالىق ەندوكارديتتىڭ اۋىر ءتۇرى ەدى. ەكىجاقتى ەكسسۋداتيۆتى پلەۆريت تە بەلگىلى بولدى. ول قان قۇسقان. وعان قوسا جەڭىل دارەجەدە قانازدىق دەرتىنە شالدىققان. بىردەن ەم جۇرگىزىلىپ, كۇن سايىن كونسيليۋم ءوتتى. وعان شتاتتان تىس باس پۋلمونولوگ ل.م.تولەگەنوۆا قاتىستى. وكىنىشكە قاراي ناۋقاس 27 قاراشا كۇنى كوز جۇمدى. وكپە-جۇرەك جەتىسپەۋشىلىگىنەن دەپ ايتىلىپ وتىر. كۋرسانتتىڭ دەنەسى سوت-مەديتسينالىق ساراپتاما ورتالىعىنا بەرىلدى. بارلىعى سول ساراپتامادان كەيىن ناقتى انىقتالادى», دەدى وبلىستىق دەنساۋلىق ساقتاۋ باسقارماسىنىڭ باسشىسى رۇستەم يساەۆ.
م.بوكەنباەۆ اتىنداعى اقتوبە زاڭ ينستيتۋتى دا بولعان قايعىلى جاعدايدى راستادى.
