فوتو: gov.kz
جيىنعا ۇلتتىق جانە ات سپورتى ورتالىعىنىڭ ديرەكتورى باقداۋلەت ءسابيتوۆ, ۇلتتىق سپورت قاۋىمداستىعىنىڭ وكىلدەرى, ۇلتتىق سپورت فەدەراتسيالارىنىڭ پرەزيدەنتتەرى, وڭىرلىك سپورت باسقارمالارىنىڭ باسشىلارى, ايماقتارداعى ۇلتتىق سپورت مەكتەپتەرى مەن كلۋبتارىنىڭ باسشىلارى جانە «قازسپورتينۆەست» اق ماماندارى قاتىستى.
«ۇلتتىق سپورت تۇرلەرىنەن اككرەديتتەلگەن سپورت فەدەراتسيالارىمەن بىرلەسە وسى باعىتتا بىرقاتار ءىس-شارا اتقارىلىپ جاتىر. بيىل ۇلتتىق سپورتتىڭ بىرنەشە تۇرىنەن الەم جانە ازيا چەمپيوناتتارى, الەم جانە ازيا كۋبوگى, دۇنيەجۇزىلىك جاۋىنگەرلىك ونەر ويىندارى سىندى ءىرى جارىستار وتكىزىلدى. سپورتشىلاردىڭ ناتيجەسى جامان ەمەس. بىراق الدا تۇرعان مىندەتتەر كوپ. بۇگىنگى تاڭدا سونىڭ ەڭ باستىسى – 2024 جىلعى V دۇنيەجۇزىلىك كوشپەندىلەر ويىندارىن ابىرويمەن وتكىزۋ. ۇزدىك ناتيجەگە قول جەتكىزۋ ءۇشىن تىڭعىلىقتى دايىندىق قاجەت. بارشاڭىزدى الداعى كوشپەندىلەر ويىندارىن جوعارى دەڭگەيدە وتكىزۋگە اتسالىسۋعا شاقىرامىن», دەدى ەربول مىرزابوسىنوۆ. ءار فەدەراتسيا باسشىسى اتقارىلعان جۇمىس تۋراسىندا ەسەپتىك بايانداما جاسالىپ, ۇلتتىق سپورتتى ۇلىقتاۋ جولىنداعى ماسەلەنى شەشۋ دە ايتىلدى.
