فوتو: kapital.kz
قازىرگى تاڭدا ەلىمىزدەگى جولداردىڭ 3 مىڭ 200 شاقىرىمىندا اقىلى جۇيە ەنگىزىلگەن. بيىلعى 11 ايدىڭ قورىتىندىسى بويىنشا اقىلى جولداردان بيۋدجەتكە 26 ملرد 500 ملن تەڭگە قاراجات تۇسكەن. كولىك مينيسترلىگى كەلەر جىلى اقىلى جولدار كولەمىن كوبەيتىپ, قوسىمشا 1 مىڭ 200 شاقىرىم جولعا اقىلى جۇيە ەنگىزۋدى جوسپارلاپ وتىر.
«مەملەكەت باسشىسىنىڭ تاپسىرماسىنا سايكەس, قازىرگى كەزدە اۆتوجول سالاسىن رەفورمالاۋ بويىنشا بىرقاتار جۇمىس جۇرگىزىلىپ جاتىر. 2029 جىلعا دەيىن رەكونسترۋكتسيالاۋ جۇمىستارىنىڭ اياقتالۋىنا قاراي, اقىلى جولداردىڭ كولەمى 11 مىڭ شاقىرىمعا جەتكىزىلەتىن بولادى», دەدى مارات قاراباەۆ ۇكىمەت وتىرىسىندا.
قازىر قۇرىلىس ماۋسىمى اياقتالۋىنا بايلانىستى «قازاۆتوجول» ۇلتتىق كومپانياسى جولداردى قىس مەزگىلىنە دايىنداۋعا كىرىسكەن. جولداردى قىستا كۇتىپ ۇستاۋ ءۇشىن 142 مىڭ تەكشە مەتر قۇم جانە 25 مىڭ توننا تەحنيكالىق تۇز جينالعان. سوڭعى جىلدارى قۇرىلىس جۇمىستارى كولەمىنىڭ ارتۋىنا بايلانىستى 4 جولاقتى جولداردىڭ ۇلەسى ارتقان. بۇل ءوز كەزەگىندە جول-پايدالانۋ تەحنيكاسىنىڭ سانىن ارتتىرۋدى تالاپ ەتەدى.
«وسى قاجەتتىلىكتى شەشۋ ءۇشىن, «قازاۆتوجول» ۇلتتىق كومپانياسى بيىل قوسىمشا 379 تەحنيكا ساتىپ الدى, ونىڭ 245-ءى ونەركاسىپتى دامىتۋ قورى ارقىلى, 25 داناسى جول ءجۇرۋ اقىسى جانە 109 بىرلىگى امورتيزاتسيالىق اۋدارىمدار ەسەبىنەن الىنادى. دەگەنمەن دە ءالى دە 1100-دەن استام تەحنيكا جەتىسپەيدى. سوندىقتان ونەركاسىپتى دامىتۋ قورىنان جەڭىلدەتىلگەن نەسيە الۋ ارقىلى تەحنيكالاردى تولىقتىرۋ جۇمىستارى جالعاسادى», دەدى كولىك ءمينيسترى.
