aqorda_resmi
«قاسىم-جومارت توقاەۆ قازاقستانعا رەسمي ساپارمەن كەلگەن قىتاي كوممۋنيستىك پارتياسى وك ساياسي كەڭەسى تۇراقتى كوميتەتىنىڭ مۇشەسى, قحر مەملەكەتتىك كەڭەسى پرەمەرىنىڭ ورىنباسارى دين سيۋەسياندى قابىلدادى. كەزدەسۋ بارىسىندا قازاق-قىتاي ستراتەگيالىق سەرىكتەستىگىنىڭ جاي-كۇيى جانە ونى دامىتۋ پەرسپەكتيۆاسى, پرەزيدەنت قاسىم-جومارت توقاەۆ پەن قحر توراعاسى سي ءتسزينپيننىڭ بۇعان دەيىن قول جەتكىزگەن ۋاعدالاستىقتارىن ەكى ەل ۇكىمەتتەرىنىڭ ىسكە اسىرۋ بارىسى تالقىلاندى», دەلىنگەن حابارلامادا.
«قىتايمەن ەكىجاقتى قاتىناستى مۇلدە جاڭا دەڭگەيگە كوتەرۋ قازاقستاننىڭ ماڭىزدى ستراتەگيالىق باسىمدىعى سانالادى. شىن مانىندە, قازاق-قىتاي بايلانىستارى ءوزارا ءتيىمدى مەملەكەتارالىق ىقپالداستىقتىڭ ۇلگىسىن كورسەتەدى دەپ ويلايمىن. ءبىز قىتايدى وتە ماڭىزدى ستراتەگيالىق سەرىكتەس رەتىندە قاراستىرامىز جانە بارلىق سالاداعى ىنتىماقتاستىقتا ناقتى ناتيجەگە قول جەتكىزەتىنىمىزگە ۇلكەن ءۇمىت ارتامىز», دەدى مەملەكەت باسشىسى.
