gov.kz
جيىنعا بايلانىس وپەراتورلارى, جەرگىلىكتى اتقارۋشى ورگانداردىڭ وكىلدەرى, اۋداندىق ءماسليحات دەپۋتاتتارى جانە جەرگىلىكتى بەلسەندىلەر قاتىسىپ, ۇيالى بايلانىس وپەراتورلارىنا انتەننالىق دىڭگەك قۇرىلىمدارىن سالۋ ءۇشىن جەر تەلىمدەرىن ءبولۋ جانە اۋىلداعى ءاربىر ۇيگە تالشىقتى-وپتيكالىق بايلانىس جەلىسىن تارتۋ ماسەلەلەرىن تالقىلادى. رەسمي مالىمەت بويىنشا, اۋىلدا 2000-نان استام جەكە شارۋاشىلىق بار, بۇل جىبەك جولى اۋىلىنداعى بايلانىس پەن ينتەرنەتتىڭ ساپاسىن ايتارلىقتاي جاقسارتادى. بايلانىس وپەراتورلارىنا بايلانىس ساپاسى مەن ينتەرنەت جىلدامدىعىن ارتتىرۋ ءۇشىن قوسىمشا بازالىق ستانتسيالار مەن جابدىقتار ورناتۋ جۇكتەلدى. مينيستر اقمولا وبلىسىنىڭ تسيفرلاندىرۋ جانە ارحيۆتەر باسقارماسىنا ارشالى اۋدانى اكىمدىگىمەن بىرلەسىپ, 2023 جىلدىڭ سوڭىنا دەيىن 6 جەر تەلىمىن بەرۋ ماسەلەسىن پىسىقتاۋدى تاپسىردى.
«مەن جيىنعا كەلگەن بارلىق قاتىسۋشىنى, اسىرەسە, جەرگىلىكتى تۇرعىنداردىڭ تالاپ-تىلەگىن ەستىگىم كەلدى, ويتكەنى بايلانىس ساپاسىنىڭ ناشارلاۋىن نەمەسە جاقسارۋىن سەزىنەتىن دە سولار. ادەتتە, اكىمدىكتەر مەن بايلانىس وپەراتورلارىنىڭ ەسەپتەرىندە ءجيى كەزدەسەتىن پروبلەمالار ارتىق بيۋروكراتياعا كەلىپ تىرەلەتىنى بەلگىلى. بۇل جولى دا سولاي ەكەنىنە كوز جەتكىزدىم. بارلىق ماسەلە انتەننا-دىڭگەك قۇرىلىستارىن سالۋ ءۇشىن ۇيالى بايلانىس وپەراتورلارىنا جەر ۋچاسكەلەرىن بولۋگە جانە اۋىلدىڭ ءاربىر ۇيىنە تالشىقتى-وپتيكالىق بايلانىس جەلىسىن جۇرگىزۋمەن بايلانىستى بولدى. مەن بايلانىس وپەراتورلارىنا بايلانىس ساپاسى مەن ينتەرنەت جىلدامدىعىن جاقسارتۋ ءۇشىن قوسىمشا بازالىق ستانتسيالار مەن جابدىقتار ورناتۋدى تاپسىردىم», دەدى ب.مۋسين.
سالا باسشىسى شاعىن بايلانىس وپەراتورلارىنىڭ جۇمىسىنىڭ ماڭىزدىلىعىنا توقتالدى. بۇگىنگى تاڭدا استانا قالاسى اكىمدىگىمەن تۇرعىن اۋدانداردى دامىتۋ ماقساتىندا شاعىن وپەراتورلاردى تارتۋ جۇمىستارى جۇرگىزىلىپ جاتقانىن ايتتى. 2023 جىلدىڭ سوڭىنا دەيىن جوعارى جىلدامدىقتى ينتەرنەت 14 تۇرعىن اۋداندا جانە 2024 جىلى 3 تۇرعىن اۋداندا ء(وندىرىس, كازگورودوك, كيرپيچنىي) بولادى, بارلىق جۇمىستار تولىق ينۆەستورلاردى قارجىلاندىرۋ ارقىلى جۇزەگە اسىرىلادى («Your New Telecom» جشس, Kazakh Home Networks جشس, «Synergy Telecom» جشس) ينۆەستيتسيا كولەمى 2,68 ملرد. جالپى 5500 ابونەنت قوسىلدى, 440 شاقىرىمنان استام وپتيكالىق كابەل تارتىلدى, بارلىق جۇمىستاردى 2024 جىلدىڭ سوڭىنا دەيىن اياقتاۋ جوسپارلانۋدا.
جىبەك جولى اۋىلىنداعى كەزدەسۋدە «Synergy Telecom» جشس كومپانياسىنىڭ ماماندارى وسى اۋىلدا تالشىقتى-وپتيكالىق بايلانىس جەلىسىن توسەۋ جۇمىستارىن ۇيىمداستىرۋعا دايىن ەكەنىن جەتكىزدى. بۇعان دەيىن مينيستر باعدات مۋسين مەن اقمولا وبلىسىنىڭ اكىمى مارات احمەتجانوۆ 2024-2027 جىلدارعا ارنالعان اقمولا وبلىسىنىڭ ەلدى مەكەندەرىن ينتەرنەتكە جانە بايلانىسقا ساپالى قولجەتىمدىلىكتى قامتاماسىز ەتۋ جونىندەگى جول كارتاسىنا قول قويعان بولاتىن. وسى قۇجاتتى جۇزەگە اسىرۋ اياسىندا اقمولا وبلىسىنىڭ 230 ەلدى مەكەنىنە تالشىقتى-وپتيكالىق بايلانىس جەلىسى تارتىلىپ, ەلدى مەكەندەردە 100-دەن استام انتەننالىق دىڭگەك قۇرىلىمدارى ورناتىلادى.
