قازاقستاننىڭ بىلعارى قولعاپ شەبەرلەرىنىڭ كەيبىرەۋلەرى وزدەرىنىڭ تۇساۋكەسەر كەزدەسۋلەرىن وتكىزىپ تە ۇلگەردى. ارالارىندا ۇتقاندارى دا, ۇتىلعاندارى دا بار. اتاپ ايتساق, رامازان ورىنباسار (52 كگ) رۋاندالىق ۆالەنتين نتابانگانيماندى جانە كەنەسارى ءامىر مارجىقباەۆ (63 كگ) گۆاتەمالالىق كريستيان راميرەستى جەڭدى. ال باۋىرجان مۇراتوۆ (57 كگ) پەن بەكارىس نۇرمۇحان (66 كگ) وزبەكستاندىق پاحلاۆونجون يبروحيموۆ پەن اقبار احمادوۆقا ەسە جىبەرسە, جاسۇلان بەردالى (70 كگ) پولشالىق پاۆەل ۋربانسكيدىڭ وسال تۇسىن تابا المادى. سول سەكىلدى باقىتجان ايتمۇحانوۆ تا (80 كگ) جارىس جولىنان شىعىپ قالدى. ءبىر ايتا كەتەرلىگى, باسەكە بارىسىندا قازاق بوكسشى گۋان حاۋو ءپاندى ەكى رەت نوكداۋنعا جىبەردى. بىراق ادىلدىكتى بەلدەن باسقان تورەشىلەر تايپەيلىكتىڭ قولىن كوتەردى.
