تالاپتى دا تالانتتى جاستىڭ جىر كىتابى, اۋدارمالارى مەن ماقالالارى توپتاستىرىلعان قوس جيناقتىڭ تۇساۋى استاناداعى ۇلتتىق مۇراجايدا كەسىلدى. جاس اقىن ادەبي كەش اتاۋىن «ايدىڭ اپپاق جۇرەگى» دەپ اتاپتى. سول جۇرەككە كىرشىك تۇسپەسە, ولەڭ دە ءمولدىر.
اقىن-جازۋشىلار – سۇراعان راحمەت ۇلى, ايگۇل كەمەلباەۆا, قالقامان سارين, ۇلاربەك نۇرعالىم ۇلى, ماقپال مىسا جاس دارىن كىتاپتارىنىڭ تۇساۋكەسەر ءراسىمىن جاسادى. الپامىس ورتاعا ورالىن جىرلاپ شىقتى. «ورالدا ءبارى وزگەشە» دەگەن ونىڭ جىرلارىنان تۋعان دالاسىنىڭ وسىمدىگىنە دەيىن تىس قالماعانىن كورەمىز. گرەكتەردىڭ دالاسىنا بارىپ بايبارىس سۇلتاننىڭ ساعىنىشىن جىر ەتكەنى سۇيسىندىرەدى. قىپشاق دالاسىنىڭ ءبىر ءتۇپ جۋسانىنا ىڭكار بولىپ وتكەن ۇلى جۇرەكتىڭ رۋحىن بۇگىنگە جالعاۋعا تىرىسقان جاستارى بار ەل وركەندەسە كەرەك. ۇلى مۇرات, ارماندارى تەرەڭنەن تامىر تارتقان ۇلت ۋاقىتقا توتەپ بەرەدى, تالانتتى جاستارىنىڭ ارقاسىندا. الدىڭعى بۋىن اعالار جاس اقىنعا سوندىقتان ءۇمىت ارتىپ كەلىپ وتىر.
كەش بارىسىندا ءسوز سويلەگەن «Egemen Qazaqstan» گازەتىنىڭ باس رەداكتورى, بەلگىلى جۋرناليست عابيت مۇسىرەپ: «بۇگىنگى جاستارعا قۋانامىز. كوزدەرىنەن جالىن كورەمىز. جاستاردىڭ بۇلاي كەش وتكىزگەنى قازاق ادەبيەتىنىڭ ەرتەڭىنەن ۇمىتتەندىرەدى. ۇلكەن-ۇلكەن اعالارىڭ كەلىپ قولداپ جاتقانىنىڭ ءوزى ادەبيەتكە دەگەن كوزقاراس پەن جاۋاپكەرشىلىكتى كورسەتەدى. جاڭا ولەڭىڭدە ايتىپ جاتىرسىڭ عوي, «دوپ قۋعان بالا بۇگىن وي قۋىپ ءجۇر» دەپ. ويىڭ دا, ولەڭىڭ دە وزگەشە بولىپ, ادەبيەتتەن ءوز ورنىڭدى الۋ جازسىن», دەدى.
جيىندا بەلگىلى جۋرناليست سەرىكقالي مۇقاشەۆ تا ءسوز سويلەدى. ادەبي كەش جاس اقىن جىرلارىمەن كومكەرىلىپ, اندەر شىرقالدى.
