كولەڭكەلى ەكونوميكانىڭ جوعارى كورسەتكىشىنە بايلانىستى ەكى جىلدان بەرى ەلىمىز اياقكيىم ونىمدەرىن مىندەتتى تۇردە تاڭبالاۋ جانە قاداعالاۋ ۇدەرىسىن ەنگىزگەن بولاتىن. ويتكەنى بىزگە جەتكىزىلەتىن اياقكيىمنىڭ 48%-دان استامى زاڭسىز تاسىمالداناتىن بولىپ شىقتى.
وسى ورايدا ءبىزدىڭ ەلدىڭ تاۋارلاردى تاڭبالاۋ جانە قاداعالاۋ جونىندەگى بىرىڭعاي وپەراتورى وتكىزگەن كەلىسسوزدەر ناتيجەسىندە وزبەكستاندىق وندىرۋشىلەر قازاقستانعا اكەلىنەتىن اياقكيىمدەردى تەگىن تاڭبالاۋعا دايىن ەكەندەرىن جەتكىزدى. سونىڭ ارقاسىندا وزبەكستاننان كەلەتىن اياقكيىمنىڭ تاڭبالانۋى ءونىمنىڭ باعاسىنا اسەر ەتپەيتىن بولىپ وتىر.
وزبەكستاننىڭ اياقكيىم ونەركاسىبى وكىلدەرىنىڭ ءبىرى «اpollo» برەندىمەن ارنايى اياقكيىم شىعاراتىن «Gozal biznes plyus» كومپانياسىنىڭ كوممەرتسيالىق ديرەكتورى يگور تيۋلەۆتىڭ ايتۋىنشا, ولار بىرنەشە جىلدان بەرى قازاقستان نارىعىنا ءوز ونىمدەرىن ەكسپورتتاپ كەلەدى. يگور تيۋلەۆ اياقكيىمدى تاڭبالاۋعا قاتىستى ءبىزدىڭ ەلدىڭ زاڭنامالىق تالاپتارىنان حاباردار ەكەنىن جانە قازاق ەلىندەگى اياقكيىم يمپورتتاۋشىلارىنا وندىرىستىك تاڭبالاۋ قىزمەتىن تەگىن كورسەتۋگە دايىن ەكەنىن جەتكىزدى.
«كوسونسوي ءال-ازيز» جاۋاپكەرشىلىگى شەكتەۋلى سەرىكتەستىگى سياقتى بىرقاتار وزبەك اياقكيىم ءوندىرۋشى كومپانيانىڭ وكىلدەرى دە اياقكيىمگە ۇلكەن كولەمدەگى تاپسىرىستار بەرىلگەن جاعدايدا, ءوز ونىمدەرىنە تاڭبالاۋ كودتارىن تەگىن قولدانۋ بويىنشا قىزمەتتەردى كورسەتۋگە دايىن ەكەندەرىن راستادى.
ء«بىز الماتىعا 2 اپتا سايىن اياقكيىم تيەلگەن ءبىر جۇك كولىك جىبەرەمىز. جۇك كولىگىنە شامامەن 12 مىڭ جۇپ اياقكيىم تيەلەدى. ءبىز اياقكيىمدى تاڭبالاۋ تۋرالى ەستىپ قانا قويعان جوقپىز, سونىمەن قاتار ءبىز بۇنداي قىزمەتتى رەسەيلىك يمپورتتاۋشىلارعا جۇمىس بارىسىندا كورسەتىپ تە كەلەمىز. ءسىزدىڭ ەلدىڭ يمپورتتاۋشىلارىنا دا بۇل قىزمەتتەردى تەگىن كورسەتۋگە دايىنبىز», دەپ اعىنان جارىلدى «Azmaro» برەندىمەن اياقكيىم شىعاراتىن «شارك راۆون» جاۋاپكەرشىلىگى شەكتەۋلى سەرىكتەستىگىنىڭ قىزمەتكەرى زاحيد قاسىموۆ.
