ءاليحان سمايىلوۆ بۇل سۇراق بۇرىن ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيادا تالقىلانىپ, قولداۋ تاپقانىن ايتتى. ول قوردان قارجى پايدالانۋ قايتارۋ شارتىمەن جۇرەتىنىن مالىمدەدى.
«قازىرگى ۋاقىتتا ءبىز ۇلتتىق بانكپەن بىرلەسىپ, قاراجات تارتۋ شارتتارى بويىنشا ماسەلەلەردى پىسىقتاپ جاتىرمىز. ۇكىمەتتىڭ بورىشتىق مىندەتتەمەلەرىن ورىنداۋ اياسىندا قارجى قايتارىلاتىن بولادى», دەدى پرەمەر-مينيستر.
ۇكىمەت باسشىسى بجزق-نىڭ نەگىزگى مىندەتى – قازاقستاندىقتاردىڭ زەينەتاقى اكتيۆتەرىنىڭ ساقتالۋىن جانە ارتتىرا ءتۇسۋىن قامتاماسىز ەتۋ دەپ, قارجىنى ەسەلەۋ ءۇشىن تيىستى ينۆەستيتسيالىق ستراتەگيا قابىلدانعانىن جەتكىزدى.
«سالىمشىلاردىڭ اكتيۆتەرىن كىرىس اكەلەتىن قانداي دا ءبىر قۇرالدارعا قاراجات سالۋ ارقىلى كوبەيتۋگە بولادى. بۇل رەتتە پروتسەستى نارىقتىق مولشەرلەمەلەر بويىنشا جانە قايتارىمدى نەگىزدە ورىنداۋعا مۇمكىندىك بار. قازىرگى ۋاقىتتا ۇكىمەت قارجىلاندىرۋدى قاجەت ەتەتىن يندۋستريالاندىرۋ, كولىك, ينفراقۇرىلىم سالالارىنداعى ءىرى جوبالاردى قاراستىرۋدا. ءبىز ءارتۇرلى كوزدەردى, سونىڭ ىشىندە بجزق قاراجاتىن دا قاراستىرىپ وتىرمىز», دەدى ءاليحان سمايىلوۆ.
ايتا كەتەيىك, بۇگىنگى تاڭدا بجزق -دا قازاقستاندىقتار جيناقتاعان - 1,5 ترلن تەڭگە بار.
