1. قازاقستان قۇراماسى العاش رەت توپ ىشىندە ەڭ جوعارى ورىنعا تۇراقتادى.
ن توبىندا ۇشتىكتى تۇيىندەگەن فينليانديادان قوسىمشا كورسەتكىشتەر بويىنشا عانا ارتتا قالعان قازاقستان فۋتبول قۇراماسى ءوز تاريحىندى تۇڭعىش رەت ءتورتىنشى تۇعىردان تابىلدى. سونداي-اق ىرىكتەۋ كەزەڭىنىڭ سوڭعى تۋرىنا دەيىن توپتان شىعۋ جولداماسىنا ۇمىتكەر مۇمكىندىگىن ساقتاپ قالدى.
بۇعان دەيىن قۇرامانىڭ ەڭ جوعارى كورسەتكىشى بەسىنشى ورىن بولدى. (ەۋرو - 2016 جانە 2020 ىرىكتەۋ كەزەڭى) ۋەفا-داعى العاشقى جىلدارى كوماندا التىنشى ورىننان اسا الماعان ەدى.
2. ىرىكتەۋ كەزەڭىندە ەڭ كوپ جەڭىس تىركەلدى.
قۇرامانىڭ تاعى ءبىر تاريحي جەتىستىگى - ىرىكتەۋ كەزەڭىندەگى ون ويىننىڭ التاۋىن جەڭىسپەن اياقتاۋى. وتاندىق جانكۇيەرلەر قورىتىندى ناتيجەدە ماتچتاردىڭ 60 پايىزىندا جەڭىستى تويلاعان. بۇعان دەيىنگى جوعارى ناتيجە قازاقستاندىق قۇراما ەۋرو-2020 ىرىكتەۋ كەزەڭىندە قارسىلاستارىن 3 رەت جەڭگەن.
3. الدىڭعى جىلدارعا قاراعاندا جىگىتتەر از جەڭىلدى.
كوماندا بۇل كورسەتكىش بويىنشا دا رەكورد جاسادى. ون ويىننىڭ تورتەۋىندە جەڭىلدى. بۇرىن-سوڭدى ۇلتتىق قۇراما جانكۇيەرلەردى مۇنشالىقتى سيرەك سان سوقتىرماعان ەدى.
4. تەڭ ويىن مۇلدە تىركەلمەدى.
بۇرىن ۇلتتىق قۇراما جانكۇيەرلەرى «لايىقتى جەڭىلىس» پەن «جان بەرىپ, جان الىسقان تەڭ ويىندارعا» ءتوزىپ كەلدى.
5. كوپ گول سوعىلدى.
ەۋرو - 24 ىرىكتەۋ كەزەڭىندە ءبىزدىڭ فۋتبولشىلار 16 رەت گول سوقتى. بۇعان دەيىن بۇل كورسەتكىش بويىنشا رەكورد ەۋرو - 2020 ىرىكتەۋ تۋرىندا 13 گول بولدى. ۇلتتىق قۇراما العاش رەت ءار ماتچتا كەم دەگەندە 1,5 گول سوعۋ كورسەتكىشىنە قول جەتكىزدى.
6. ءوز قاقپامىزعا از گول جىبەردىك.
قۇراما قاقپاشىلارى قاقپاعا باعىتتالعان 12 گولدى قايتارا المادى.
7. كوماندا ىرىكتەۋ كەزەڭىنىڭ قورىتىندىسىندا سوعىلعان گولدار بويىنشا «+» كورسەتكىشىن باعىندىردى.
قۇراما قارسىلاستارىنا 16 گول سوعىپ, 12 گولدى قاقپامىزعا وتكىزىپ الدى. «+4» ايىرماشىلىق. بۇل كورسەتكىش ەۋرو-2020 ىرىكتەۋ كەزەڭىندەگى «-4»-تەن, سونداي-اق سەگىز جىل بۇرىن تىركەلگەن «-18»-دەن الدەقايدا جوعارى جەتىستىك بولىپ وتىر.
