مەملەكەتتىك باسقارۋ جۇيەسىنە شىعارماشىل جانە باستاماشىل جاستاردى تارتۋعا باعىتتالعان جوبانىڭ رەزەرۆىنە ىرىكتەۋ التى كەزەڭنەن تۇرادى: قۇجاتتاردى قابىلداۋ, ماتىندىك جانە ساندىق اقپاراتپەن جۇمىس ىستەۋ قابىلەتىن باعالاۋ, سيتۋاتسيالىق ەسەپتەردى شەشۋ, قۇزىرەتتەردى باعالاۋ (باعالاۋ ورتالىعى جانە قۇزىرەتتىلىك سۇحباتى), ساراپشىلىق كوميسسيامەن اڭگىمەلەسۋ جانە ۇلتتىق كوميسسيا وتىرىسى.
اسسەسسمەنت-ورتالىق – كاسىبي قۇزىرەتتەردىڭ دامۋ دەڭگەيىن انىقتاۋ جانە ناقتى جۇمىس جاعدايىنا جاقىن ىسكەرلىك ويىندارعا تارتۋ ارقىلى الەۋەتتى انىقتاۋ, كانديداتتار قىزمەتىنىڭ نەگىزگى ەلەمەنتتەرىن مودەلدەۋگە نەگىزدەلگەن جەكە جانە توپتىق جاعدايلاردى شەشۋدە قۇزىرەتتەردى كەشەندى باعالاۋ ءادىسى. وعان 244 ۇمىتكەر قاتىسىپ, ونىڭ قورىتىندىسى بويىنشا «قۇزىرەتتەردى باعالاۋ» كەزەڭىنىڭ ەكىنشى بلوگى «قۇزىرەتتىلىك بويىنشا سۇحباتقا» 2,22 جانە ودان جوعارى بالل جيناعان 170 كانديدات جىبەرىلگەن.
«شىمكەنت قالالىق دەنساۋلىق ساقتاۋ باسقارماسىندا باس مامان قىزمەتىندەمىن. جوبا تۋرالى الەۋمەتتىك جەلىدەن كورىپ, باعىمدى سىناۋ ءۇشىن قاتىسۋدامىن. قۇجات تاپسىرۋ ونلاين فورماتتا ۇيىمداستىرىلدى. قازىر ءتورتىنشى كەزەڭگە ءوتتىم. مۇندا دا تاجىريبە جيناقتاپ جاتىرمىن. ەڭ مىقتىسى كادرلىق رەزەرۆكە ءوتىپ, ەل ءۇشىن قىزمەت ەتسىن», دەدى قاتىسۋشى قايرات ايدوس ۇلى.
قۇزىرەتتەردى باعالاۋ ءۇشىن ارنايى سەرتيفيكاتتالعان باعالاۋشىلار مەن سۋپەرۆيزورلار تارتىلعان. قۇزىرەتتىلىك بويىنشا سۇحبات 20-24 قاراشا ارالىعىندا ونلاين فورماتتا ۇيىمداستىرىلماقشى. جەكە تەرەڭدەتىلگەن اڭگىمە جۇرگىزۋ ءۇشىن كاسىبي HR-ساراپشىلار تارتىلادى دەپ جوسپارلانىپ وتىر. بۇل – كانديداتتىڭ قۇندىلىقتار باعدارىن كورسەتەتىن قۇزىرەتتەرىن جانە ىشكى ىنتا-جىگەرىن انىقتاۋعا, بەلگىلى ءبىر جاعدايلاردا كانديداتتىڭ مىنەز-ق ۇلىق ۇلگىلەرىن بولجاۋعا باعىتتالعان.
ىرىكتەۋ تارتىبىنە سايكەس, ەڭ جاقسى ناتيجە كورسەتكەن 170 ۇمىتكەر ءۇشىن سۇحباتقا تىركەلۋ الدىڭعى بلوككە ۇقساس ونلاين پلاتفورمادا جۇزەگە اسىرىلادى. ناتيجەلەرى بويىنشا كەلەسى كەزەڭ – «ساراپشىلىق كوميسسيادا اڭگىمەلەسۋگە» 150-دەن اسپايتىن كانديدات جىبەرىلەتىن بولادى.
ايتا كەتەيىك, بيىل جەڭىمپازداردىڭ ەسىمى جەلتوقسان ايىندا جاريالانادى. قورىتىندىسى بويىنشا رەزەرۆكە 50 ادام قابىلدانباقشى.
داريعا قۇرمانالى,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 4-كۋرس ستۋدەنتى
