ايماقتاعى 2020-2024 جىلدارعا ارنالعان ەكولوگيالىق ماسەلەلەردى شەشۋدىڭ جول كارتاسىندا 52 ءىس-شارا كوزدەلسە, بۇگىندە سونىڭ 20-سى ورىندالىپتى. 23-ءى بويىنشا جۇمىس جۇرگىزىلىپ جاتىر, ال 9-ىنىڭ ورىندالۋى كەشىكتىرىلگەن.
وسى جىلدىڭ III توقسانىندا وڭىردەگى قاتتى تۇرمىستىق قالدىقتار كولەمى 126,5 مىڭ تونناعا جەتىپ, ونىڭ 34,2 مىڭ تونناسى (27%) قايتا وڭدەلگەن. مينيستر مەملەكەت باسشىسىنىڭ ارال تەڭىزىنىڭ قۇرعاعان تابانىنا سەكسەۋىل ەگۋ كولەمىن 5 جىلدا 1,1 ملن گەكتارعا ۇلعايتۋ جونىندەگى تاپسىرماسىنىڭ ورىندالۋ بارىسىن دا ايتىپ ءوتتى.
كەزدەسۋ بارىسىندا قىزىلوردا قالاسىنىڭ ىرگەسىندەگى كىرپىش جانە اسفالت زاۋىتتارىنىڭ جۇمىسى, «بايقوڭىر» كەشەنىندەگى رۇقسات ەتىلمەگەن اۋماقتارداعى قالدىقتاردى كادەگە جاراتۋ تۋرالى سۇراقتار قويىلدى. سۋ تاپشىلىعىنىڭ كىشى ارال تەڭىزىنە زاردابىن ايتقان تۇرعىندار دا بولدى.
– سۋ تاپشىلىعىنىڭ سالدارىنان قازىر كىشى ارالدىڭ 60 پايىزى بالىق ۋىلدىرىق شاشۋىنا جارامسىز بولىپ قالدى, – دەيدى يحتيولوگ زاۋالحان ەرماحانوۆ. – وسىلاي جالعاسا بەرسە, 4-5 جىلدىقتا تەڭىزدەگى بالىق اتاۋلىدان ايىرىلامىز. سوندىقتان دا تۇزدى سۋدا تىرشىلىك ەتۋگە بەيىم كامبالا گلوسسا, كامبالا كالكان بالىقتارىن جەرسىندىرۋدى باستاپ كەتۋىمىز كەرەك. بۇلارعا كەزىندە بيولوگيالىق نەگىزدەمە جاسالعان. تەك ءىستى باستاۋ ءۇشىن ۇكىمەت قولداۋى قاجەت. بۇل – بالىق شارۋاشىلىعىن ساقتاپ قالۋدىڭ بىردەن-ءبىر جولى.
بۇل ساۋالعا بايلانىستى جاۋاپتى قىزمەت وكىلدەرى تەڭىزدەگى بالىق قورى تۇراقتى ەكەندىگىن ايتقانمەن, مينيستر تاجىريبەلى مامان پىكىرىنە قۇلاق اسىپ, ۇسىنىستى تالقىلاۋدى تاپسىردى.
ساپار بارىسىندا مينيستر ازاماتتاردى جەكە قابىلداپ, ساۋالدارىنا جاۋاپ بەردى, ۇسىنىس-تىلەكتەرىن تىڭدادى. سوڭىنان باق وكىلدەرى ءۇشىن بريفينگ وتكىزدى.
قىزىلوردا
