كوللاجدى جاساعان – قونىسباي شەجىمباي, «EQ»
«بەكتاۋ» مەن «نوۆوسەلوۆكا» جاۋاپكەرشىلىگى شەكتەۋلى سەرىكتەستىكتەرى ۇزىن-ىرعاسى 26 مىڭ مەتردەن استام جەردى تەرەڭدىگىن 1,5, ەنىن 1 مەتردەن اسىرا ورلاپ, قازىپ تاستاعان. ارينە, ەگىنجايدى, قۇنارلى شابىندىقتى بەيساۋات مالدان قورعاعان دۇرىس. ايتسە دە, ور قازۋدىڭ وڭتايلى شەشىم ەمەس ەكەندىگىن باستان جاقتى ايىرعانداي ەتىپ ايتقان دۇرىس. اياقتى مال تىسىنە ىلىنەر قۇنارلى ءشوپ ىزدەمەي تۇرا ما, ونىڭ ۇستىنە مال قاراۋسىز قالماسىن دەپ ءتارتىپتى نىعايتىپ, تالاپتى كۇشەيتكەنىمىزبەن, بەيساۋات جۇرگەن باعۋسىز مال از ەمەس. جالعىز ءتورت ت ۇلىك مال عانا ەمەس, تەرەڭدەپ قازىلعان ور اڭ-قۇسقا دا قاۋىپ. ادامعا ەكى باستان.
تابيعات جاناشىرلارى سەرىكتەستىك باسشىلارىنىڭ تەرىس شارۋالارىن جالپاق جۇرتقا ايگىلەپ, دابىل قاققالى قاشان. جەر قورىعاننىڭ ءجونى وسى ەكەن دەپ اركىم ءوز يەلىگىندەگى القاپتىڭ شەتىن ورلاپ قازا بەرسە, سايىن دالادا ءسان قالا ما؟
«بۇل ارەكەت اكىمشىلىك قۇقىق بۇزۋشىلىق تۋرالى كودەكستىڭ 337-بابىنا جاتادى. ياعني جەردىڭ قۇنارلى قاباتىن زاڭسىز الىپ تاستاۋ نەمەسە جويۋ. سەرىكتەستىك باسشىلارى اكىمشىلىك جاۋاپكەرشىلىككە تارتىلىپ, ارقايسىسىنا ءبىر مىڭ ايلىق ەسەپتىك كورسەتكىش كولەمىندە ايىپپۇل سالىندى», دەيدى وبلىستىق جەر رەسۋرستارىن باسقارۋ دەپارتامەنتىنىڭ باس مامانى شولپان مولداعاليەۆا.
زاڭ بويىنشا جالعا العان جەردى قازۋعا رۇقسات جوق. الداعى ۋاقىتتا جەرىمدى قورعايمىن دەپ ورىنسىز ور قازۋدان ساقتاندىرۋ ءۇشىن وسى ءبىر مىسالدى وقىرمان نازارىنا ۇسىنۋدى دۇرىس دەپ تاپتىق. ور قازعاندار وسىلايشا وپىق جەيدى. ىلكىدەگى قازاق «بىرەۋگە ور قازبا...» دەگەندى نەگە ايتتى دەيسىز.
اقمولا وبلىسى,
شورتاندى اۋدانى
