كەمپينگكە قىزىعۋشىلىق جوعارى

الماتى قالاسى تۋريزم باس­قارماسىنىڭ مالىمەتى بويىن­شا كىشى, ۇلكەن الماتى, پروحودنوە, بۋتاكوۆكا شاتقالدارى ايما­عىندا جۇمىستار اياقتالىپ, قار­عالى شاتقالىنداعى اباتتاندىرۋ جالعاسىپ جاتىر. تۋريستەردى تارتۋدىڭ جاڭا نۇكتەسى عارىش ستانساسىنا بارار جولدا تەڭىز دەڭگەيىنەن 2 500 م بيىكتە ور­نالاسقان بەلگىلى شىڭدارعا جا­قىن. بۇل – «جارتاستى» شىڭى (3 332 م), «كروشكا» شىڭى (3 722 م), «سوۆەتوۆ» شىڭى (4 317 م), «وزەرنىي» شىڭى (4 126 م).

«كەمپينگ – تاۋداعى دەما­لىس, ترەكينگ, حايكينگ اۋەسقوي­لارى ءۇشىن جابدىقتالعان الاڭ. تۋريستەردىڭ جايلى جانە قا­ۋىپسىز دەمالىسى ءۇشىن شاتىر­لار قۇرىلىپ, سامالجاي­لار ور­­ناتىلعان. ءبىز تاۋ ينفراقۇ­رىلىمىن دامىتۋعا ەرەكشە نازار اۋدارا وتىرىپ, تۋريستەر ءۇشىن جاڭا باعىتتار قۇرۋ بويىن­شا جۇمىس ىستەپ جاتىرمىز. باعىتتار بويى اقپاراتتىق ستەندتەر, كورسەتكىشتەر, قالقاندار ورناتىلدى. ناۆيگاتسيالىق ستەند­­تەردە QR-كودتار بار, وندا تۋريس­تەر باعىتتىڭ كۇر­دە­لىلىگىمەن, ۇزاقتىعىمەن جانە ءوتۋ ۋاقىتىمەن تانىسا الادى. كەمپينگ ايماقتارى تۋرالى اقپارات 2GIS-تە جانە كارتوگرافيالىق پلاتفورمالارعا قوسىلدى», دەيدى تۋريزم باسقار­ما­سىنىڭ باسشىسى عاليا توق­سەيىتوۆا.

وسى ورايدا باسقارما وكىلدەرى دەمالۋشىلاردان تابيعاتقا جاناشىرلىقپەن قاراۋدى, تاۋدا قوقىس قالدىرماۋدى سۇرايدى, سونداي-اق تاۋ جورىقتارى كە­زىندە قاۋىپسىزدىك ەرەجەلەرىنىڭ ساقتالۋىن ەسكە سالادى. مىسالى, سەرۋەندەۋشىلەر تاۋعا بارا جات­قاندا ءوز باعىتى جونىندە جا­قىندارىنا حابارلاۋ قاجەت. بۇعان قوسا اۋا رايىنا ساي كيىنىپ, وزىمەن بىرگە قاجەتتى قۇ­­رال-جابدىقتار, باس كيىم, سۋ, تاماقتانۋ جانە ءپورتاتيۆتى زارياد­تاعىشپەن زاريادتالعان تەلەفون الۋدى ۇمىتپاۋ كەرەك.

جالپى, الماتىدا 2023 جىلدىڭ 1 جارتىجىلدىعىنىڭ قورىتىندىسى بويىنشا تۋريس­تەر سانى 972 157 ادامدى قۇرادى. ونىڭ ىشىندە شەتەلدىك تۋريستەر سانى – 261 571 ادام. بۇل وتكەن جىلمەن سالىستىرعاندا 72,6%-عا ءوسىپ وتىر. ال ىشكى تۋريستەر سانى – 710 586 ادام, بۇل كورسەتكىشتىڭ ءوسىمى – 14%. وسىناۋ دەرەكتەر تۋريستەر سانىنىڭ جالپى دي­­ناميكاسى 25,5%-عا وسكەنىن كورسەتەدى. كەلۋشىلەردىڭ ەڭ كوبى رە­سەيدەن (39,2%), قىتايدان (9,2%), ءۇندىستاننان (7%), تۇر­كيادان (6,6%), اقش-تان (3,4%), وڭتۇستىك كورەيادان (3,2%), وزبەكستاننان (2,9%), قىرعىز­ستاننان (2,8%), گەرمانيادان (2,5%) كەلگەن.