فوتو: تۇرار قازانعاپوۆ
بۇگىنگى تاڭدا مەملەكەتتىك قىزمەتتىڭ شامامەن 93%-ى ەلەكتروندى تۇردە كورسەتىلەدى.
الايدا ءالى دە قاعاز فورماتىندا انىقتاما سۇراتاتىن مەكەمەلەر بار. تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين وسى ولقىلىقتىڭ ورنىن تولتىرۋ ماقساتىندا جۇمىس بەرۋشىلەر مەن مەكتەپتەردىڭ بۇرىنعىشا انىقتامالاردى تالاپ ەتۋ فاكتىسىن 2024 جىلدان باستاپ تولىق جويۋدى جوسپارلاپ وتىرعانىن ايتتى.
وتكەن جىلمەن سالىستىرعاندا سمارتفون ارقىلى كورسەتىلەتىن قىزمەتتەر سانى 6 ەسەگە وسكەن.
«قازىرگى تاڭدا قازاقستاندىقتار جاڭا تسيفرلىق سەرۆيستەردى ءجيى قولدانادى. اتاپ ايتقاندا, ولاردىڭ قاتارىندا ەلەكتروندىق سەنىمحاتتار بەرۋ, اۆتوكولىكتى ونلاين ساتىپ الۋ-ساتۋ, يپوتەكانى ونلاين راسىمدەۋ جانە ت.ب. قىزمەتتەر بار», دەدى باعدات مۋسين ۇكىمەت وتىرىسىندا.
مينيستر زەينەتاقى تاعايىنداۋ پروتسەسى وزگەرتىلىپ, وسى باعىتتاعى جۇمىستار مۇلدەم جاڭا فورماتتا جۇرگىزىلەتىن مالىمدەدى.
سونداي-اق جۇمىسقا ورنالاسۋ, ينتەرنەت قوسۋ, دەكلاراتسيالاردى تاپسىرۋ, بالاباقشاعا كەزەككە تۇرۋ كەزىندە تالاپ ەتىلەتىن انىقتامالاردىڭ 12 ءتۇرىن جويۋ بويىنشا جوبالار ازىرلەنىپ جاتقانى بەلگىلى بولدى.
