ماسەلە مىنادا, ايتۆ جۇقتىرعاننان كەيىن جانە ودان كەيىنگى ينكۋباتسيالىق كەزەڭدە سيمپتومدار مۇلدەم بولمايدى. سودان بارىپ جەدەل فازا پايدا بولادى. بۇل كەزەڭدە جرۆي نەمەسە تۇماۋعا ۇقساس بەلگىلەر پايدا بولادى. بىراق مۇنىڭ بارلىعى كوپ ۇزاماي وتەدى. مۇنى ايتۆ-ينفەكتسياسى ءوزىن بىلدىرمەيتىن ۋاقىت كەزەڭى, «جاسىرىن كەزەڭ» دەپ اتايدى. ينفەكتسيا جۇقتىرعان ساتتەن باستاپ ايتۆ-عا دەيىنگى كەزەڭگە دەيىن شامامەن 10 جىل ءوتۋى مۇمكىن. وسى ارالىقتا پاتسيەنتتىڭ ءوزى دە, ونىڭ اينالاسىنداعىلار دا اۋرۋدى بىلمەيدى. ايتۆ ءوزىن تولىق قۋاتىندا جاريالاعان كەزدە, ونى باقىلاۋ وتە قيىنعا سوعادى. ايتۆ-نىڭ اسقىنۋلارىنا قارسى تۇرۋ, ادامنىڭ ءىس جۇزىندە بۇزىلعان يممۋندىق جۇيەسىن قولداۋ قيىنعا سوعادى.
بىزبەن بىرگە جۇمىسقا, ويىن-ساۋىق ورىندارىنا, وقۋ ورىندارىنا باراتىن قاراپايىم ادامداردا ايتۆ بولۋى مۇمكىن ەكەنىن ءتۇسىنۋ وتە ماڭىزدى. ولاردىڭ ءومىرى جايناپ, ءتىپتى دەنى ساۋ بالالاردى دۇنيەگە اكەلۋى مۇمكىن. ەڭ باستىسى – جاعدايدى دۇرىس قابىلداۋ. سوسىن قاجەتتى ەمدى قابىلداۋ قاجەت. ايتۆ ينفەكتسياسى انىقتالعان ادام دۇرىس كوزقاراسپەن ۇزاق جانە باقىتتى ءومىر سۇرە الادى.
قورعالماعان جىنىستىق قاتىناس, ستەريلدىككە سايكەس كەلمەيتىن تاتۋيروۆكا جانە باسقا دا كوپتەگەن كۇندەلىكتى جاعدايلار ايتۆ ينفەكتسياسىنا تىكەلەي الىپ كەلۋى مۇمكىن. ءومىر سۇرمەيتىن ادام عانا قاتەلەسپەيدى. ءبىز ءبارىن الدىن الا بىلە المايمىز. كەتكەن قاتەلىكتەردى تۇزەتە المايمىز, بىراق ولاردىڭ سالدارىن تۇزەتۋ ءۇشىن قاراپايىم قادامدار جاساي الامىز. بۇل ءۇشىن جاقىن جەردەگى تەرى-ۆەنەرولوگيالىق ديسپانسەرگە, جەرگىلىكتى كلينيكاعا نەمەسە ايتۆ-نى ەرتە دياگنوستيكالاۋ ءۇشىن مامانداندىرىلعان جيتس ورتالىعىنا حابارلاسۋعا بولادى.
اقمارال جامانوۆا,
استانا قالاسى اكىمدىگى ايتۆ-ينفەكتسياسىنىڭ الدىن الۋ ورتالىعىنىڭ دارىگەرى
