قوردىڭ ورتالىققا كومەگى

«قازاقستان حالقىنا» قوعام­دىق قورى ەكى جىلدا ايماقتىڭ دەنساۋلىق ساق­تاۋ سالاسىنا 2 ملرد تەڭگە قارجى ءبولىپ­تى. بۇل قارجىعا وبلىستىق بالا­لار اۋرۋحاناسىندا «قامقورلىق» وڭال­تۋ ورتالىعى اشىلىپ, قىمبات ءدارى-دارمەكتەر الىن­عان. ال سكرينينگ­ جۇرگىزۋگە ارنال­عان­ ­­جىلجىمالى مەديتسينالىق كەشەننىڭ قۇنى – 1,1 ملرد تەڭگە.

قور ديرەكتورىنىڭ ورىنباسارى­ ءلاززات شىڭعىسباەۆا وب­لىستىق ونكولوگيا ورتا­لى­عى­نىڭ ۇجىمىنا جىلجىمالى مەدي­تسينالىق كەشەننىڭ كىلتىن تابىس­تاپ, قۇرىلعى شالعاي ەلدى مەكەن­دەردەگى تۇرعىنداردى جوعارى مامانداندىرىلعان مەدي­تسينالىق كومەكپەن قامتۋ كورسەتكىشىن ارتتىرىپ, ورتاشا ءومىر ءسۇرۋ جاسىن ۇزارتۋعا مۇم­كىندىك بەرەتىنىن اتاپ ءوتتى. جاپو­نيادا جاسالعان ەكى كو­لىك­­تەن تۇراتىن جىلجىمالى مە­ديتسينالىق كەشەن توموسين­تەز فۋنكتسياسى بار تسيفرلى مام­مو­گرا­فيالىق جابدىقپەن, ساراپ­شىلىق دەڭگەيدەگى ۋلترا­دى­بىستىق جۇيەمەن جانە جو­عارى دالدىكپەن زەرتتەيتىن كوم­پيۋ­تەرلىك توموگرافپەن جاب­دىق­تالعان.

ماماندار ەل وڭىرلەرى ىشىنەن ارنايى تاڭدالعان الماتى, قىزىلوردا جانە اقتوبە وبلىستارىندا «QH دەنساۋلىق جولى» جوباسىنىڭ ىسكە اسىرىلۋى ونكولوگيالىق اۋرۋعا شالدىق­قان­داردى ەرتە ساتىدا انىقتاۋعا مۇم­كىن­دىك بەرەتىنىن ايتادى. حالىقتى ونكو­لو­گيالىق سكرينينگپەن قامتۋدىڭ قازىرگى جوسپارلى كورسەتكىشى 60% بولسا, جوبا ارقىلى ونى 70%-عا دەيىن ۇلعايتۋ كوزدەلىپ وتىر.

قىزىلوردا