81 كگ سالماق دارەجەسىندە باق سىناعان ەدىگە ەمبەردى اسقان شەبەرلىك تانىتىپ, اتستەكتەر ەلىندە ەلىمىزدىڭ ءانۇرانىن شىرقاتتى. اۋەلى ول 145 كگ زىلتەمىردى جۇلقىپ كوتەرسە, سەرپە كوتەرۋدە 191 كيلوگرامدى ەڭسەردى. قوسسايىستىڭ قورىتىندىسى – 336 كگ. ءبىر ايتا كەتەرلىگى, جاتتىعۋدىڭ العاشقى تۇرىنەن كەيىن ەمبەردى توعىزىنشى ورىنعا تۇراقتاعان ەدى. سول كەزدە ونىڭ جۇلدەلى ورىن ءۇشىن تالاساتىنىنا ەشكىم سەنبەدى. دەسەك تە قازاقتىڭ قايسار ۇلى ەكىنشى جاتتىعۋدا جانىن سالىپ, قارسىلاستارىنىڭ بارلىعىن شاڭ قاپتىرىپ كەتتى. سەرپە كوتەرۋدە ەشكىم ونى ماڭايلاي العان دا جوق. ءسويتىپ, ەدىگە جاستار اراسىندا الەم چەمپيونى اتاندى.
كۇمىس مەدالدى تۇرىكمەنستاندىق عايعىسىز تورەۆ يەلەندى. ول قانداسىمىزدان ءبىر كگ عانا كەم كوتەردى. قولا جۇلدەنى گرۋزيالىق سابا اسانيدزە يەلەندى. ونىڭ ناتيجەسى – 333 (149+184) كگ.
