جاڭا دەپوزيت بويىنشا سىياقى مولشەرلەمەسى 5,5% قۇرايدى. جىل سايىنعى 20% مەملەكەتتىك سىيلىقاقىنى ەسكەرە وتىرىپ (سىيلىقاقى 200 اەك-تەن اسپايتىن سوماعا ەسەپتەلەدى) جىلدىق ءتيىمدى مولشەرلەمە 17,1%-عا جەتەدى.
جاڭا دەپوزيت شەڭبەرىندەگى بۇل مولشەرلەمە, جيناقتاۋ كەزەڭى بىرنەشە رەت ۇزارتىلسا دا, وزگەرىسسىز قالادى.
«تابىستى» تاريفتىك باعدارلاماسى بويىنشا جيناقتاۋ مەرزىمى كەمىندە 3 جىل.
تاعى ءبىر ماڭىزدى ارتىقشىلىعى – وتباسى بانك كليەنتتەرى, اتالعان دەپوزيتپەن جىلدىق 8,5% مولشەرلەمەمەن (جتسم 8,8%-دان باستاپ) تۇرعىن ءۇي نەسيەسىن الا الادى. ول 5 جىلعا دەيىنگى مەرزىمگە بەرىلەدى.
– ءبىز كليەنتتەرىمىزدىڭ سۇرانىسى بويىنشا «تابىستى» تاريفتىك باعدارلاماسىن ىسكە قوسىپ جاتىرمىز. بۇل باعدارلاما ماكسيمالدى تابىس كورۋگە جانە ونى كوبەيتۋدى كوزدەگەن كليەنتتەرىمىز ءۇشىن ارنالعان. ساۋالناما ناتيجەلەرى بويىنشا رەسپوندەنتتەردىڭ 63 پايىزى وتباسى بانكىندە جىلدىق 5,5 پايىزدىق مولشەرلەمەمەن اقشا جيناۋعا دايىن. ولاردىڭ كوپشىلىگى 20-دان 100 مىڭ تەڭگەگە دەيىنگى دەپوزيتتەردى اي سايىن تولىقتىرۋعا دايىنبىز دەپ جاۋاپ بەردى. رەسپوندەنتتەردىڭ 30%-عا جۋىعى وتباسى بانكىندە دەپوزيت اشۋدىڭ ماڭىزدى فاكتورى رەتىندە – تومەن مولشەرلەمەمەن زاەم الۋ مۇمكىندىگىن اتاپ ءوتتى. 8,5% (جتسم 8,8%-دان باستاپ) نەسيە مولشەرلەمەسى تۇرعىن ءۇي قۇرىلىس جيناقتارى تۋرالى زاڭ تالاپتارىنا سايكەس قالىپتاستىرىلدى. وندا تۇرعىن ءۇي زاەمى بويىنشا جيناق پەن نەسيەلەندىرۋ اراسىنداعى سىياقى مولشەرلەمەسىنىڭ ايىرماشىلىعى 3 پايىزدان اسپاۋى كەرەك دەلىنگەن. بۇل ءبىزدىڭ كليەنتتەر ءۇشىن وتە قولايلى جاعداي دەپ ەسەپتەيمىن. بۇگىنگى تاڭدا دەپوزيت اشىپ, كىرىستى ارتتىرىپ قانا قويماي, ول ارقىلى تۇرعىن ءۇي ماسەلەسىن دە شەشۋگە بولادى, – دەپ اتاپ ءوتتى «وتباسى بانك» اق باسقارما ءتورايىمى ءلاززات يبراگيموۆا.
«تابىستى» دەپوزيتى بويىنشا ەڭ تومەنگى كەلىسىمشارت سوماسى 6 ملن تەڭگە.
«تابىستى» – بولاشاقتا تۇرعىن ءۇي زاەمىنا اينالاتىن دەپوزيت. ياعني, جەتىسپەيتىن 50% سوماعا وتباسى بانكىنىڭ كليەنتى جىلدىق 8,5% (جتسم 8,8%-دان باستاپ) مولشەرلەمەسى بويىنشا يپوتەكا الا الادى. بۇل دەپوزيت بويىنشا ارالىق نەمەسە الدىن الا زاەم جوق. سونداي-اق «تابىستى» سالىمىنىڭ كادىمگى دەپوزيتكە جانە كەرىسىنشە اۋىسۋ مۇمكىن بولمايدى.
جاڭا دەپوزيت ارقىلى مەملەكەتتىك باعدارلامالار مەن ء«وز ءۇيىم» باعدارلاماسىنا قاتىسۋ مۇمكىن بولمايدى.
«تابىستى» دەپوزيتىن بانك كەڭەسشىلەرى ارقىلى اشۋعا بولادى.
