كەزدەسۋ بارىسىندا كونسۋل ءۇندىستاننىڭ قازاقستانداعى ەلشىسى دوكتور Dr. T.V. Nagendra Prasad-تىڭ قۇتتىقتاۋىن جەتكىزدى.
ۇندىستانداعى ءداستۇرلى ديۆالي مەرەكەسى جەر بەتىندە قايىرىمدىلىقتى ناسيحاتتايدى. بۇل كۇنى الەمدە ز ۇلىمدىق جويىلىپ, مەيىرىم شۋاقتاعان. وسى قۋانىشتى كۇنى بارلىق شاڭىراقتا شىراق جاعىلىپ, ءومىردىڭ جارىق ساتتەرىنىڭ كوپ بولۋىنا قاتىستى تىلەكتەر ايتىلادى. مەرەكە داستۇرىنە سايكەس لاۋلاپ جانعان وت جەر الەمدەگى ناداندىققا قاتىستى ويدى اۋلاق ۇستاپ, جۇرەكتەرگە مەيىرىم شۋاعىن توگەدى.
كونسۋل Swapnil Kothawade اتاپ وتكەندەي, قازاقستان مەن ءۇندىستان اراسىنداعى دوستىق بايلانىستار بۇگىندە ساياسي-ەكونوميكالىق, ادامي قۇندىلىقتارعا نەگىزدەلگەن مادەنيەت پەن ادەبيەت, ونەرگە قاتىستى سالالاردا قارقىندى دامىپ كەلەدى.
ء«ۇندىستان مەن قازاقستان اراسىنداعى ساۋدا, مادەني بايلانىستار تاريحى 2 مىڭ جىلدان اسادى. ال قازاقستان ءوز تاۋەلسىزدىگىن جاريالاعان كەزدەن باستاپ ەكى ەل وسى ىنتىماقتاستىعىن بەكەمدەي ءتۇستى. سوڭعى جىلدارى قازاقستانمەن ساۋدا ستراتەگيالىق بايلانىستار جاقسى جولعا قويىلدى. تابيعي قازبا بايلىقتارعا, مينەرالدى قورعا باي قازاقستان ورتالىق ازيا ايماعىنداعى تارتىمدى ەلگە اينالىپ وتىر. بۇگىندە ەكى ەلدىڭ اسكەري, تەحنولوگيا, ءبىلىم, عىلىم, فارماتسەۆتيكا جانە باسقا دا سالالارداعى ىنتىماقتاستىعى دوستاستىق كەلىسىم-شارتتارى اياسىندا جالعاسىن تاۋىپ كەلەدى», دەپ اتاپ ءوتتى كونسۋل.
ءۇندىستاننىڭ ءبىلىم مەن عىلىم سالاسىنداعى ITEC, ICCR ۇكىمەتتىك باعدارلامالارى اياسىندا قازاقستان ستۋدەنتتەرى ماگيستراتۋرا, دوكتورانتۋرادا وقىپ, كاسىبي بىلىكتىلىگىن ارتتىرۋ مۇمكىندىگىنە يە. ال ۇندىستاندىق ستۋدەنتتەر ەلىمىزدەگى مەديتسينا, يت, ينجەنەرلىك باعىتتاعى جوعارى وقۋ ورىندارىندا ءبىلىم الىپ جاتىر. ال بيىلعى جىلى نازارباەۆ ۋنيۆەرسيتەتىنە ۇندىستاندىق ءۇش ستۋدەنت دوكتورانتۋراعا وقۋعا تۇسكەن.
سونىمەن بىرگە ەكى ەل اراسىنداعى وڭتايلى ۆيزارالىق بايلانىستار ءۇندىستان مەن قازاقستان ازاماتتارىنىڭ تۋريزم سالاسىنا دەگەن قىزىعۋشىلىعىن ارتتىرا تۇسەتىنى انىق. وسى ورايدا قازاقستاننىڭ ەرەكشە گەوگرافيالىق اۋماقتا ورنالاسقاندىعى, تاۋ باۋرايىنداعى الماتى سياقتى اسەم قالانىڭ كورىكتى جەرلەرىن قىزىقتاۋ ۇندىستاندىق تۋريستەر ءۇشىن ەرەكشە ساياحات سىيلايدى. ەكى ەل اراسىنداعى ۇزاق جىلدارداعى جاعىمدى دوستىق قارىم-قاتىناس جايىندا ءۇندىستاننىڭ مەدياكوممۋنيكاتسيا سالاسى ۇنەمى حابار تاراتىپ وتىرادى. بۇگىندە 30-دان استام وبلىستاعى مىڭنان اسا تەلەۆيدەنيەدە اعىلشىن, حيندي جانە باسقا دا تىلدەردە اقپارات تاراتادى. وسى ورايدا مەديكوممۋنيكاتسيا سالاسىنداعى ىقپالداستىقتىڭ دامۋى دا مەملەكەتتەر جەتىستىگىنەن تۇراقتى حابار تاراتىپ وتىرۋعا وڭ ىقپال ەتەتىنى انىق.
الماتى
