فوتو: «قازاقستان» رترك ءباسپاسوز قىزمەتى
«قازاق راديولارى» جشس قاراستى 4 راديو بار: «قازاق راديوسى», «Shalqar», «Astana» جانە «Classic».
نۇرتاس سولتان ۇلى 2006 جىلدان بەرى Qazaqstan ۇلتتىق تەلەارناسىندا قىزمەت ەتىپ كەلەدى. 2006-2011 جىلدار ارالىعىندا ارنانىڭ اقپاراتتىق باعدارلامالار ديرەكتسياسىنىڭ ءتىلشىسى, 2011-2019 جىلدارى «Qazaqstan» تەلەارناسىنىڭ رەسەيدەگى مەنشىكتى ءتىلشىسى بولدى.
«نۇرتاس سولتان ۇلى كورپوراتسيادا 18 جىلدان بەرى ەڭبەك ەتىپ كەلەدى. سوڭعى ءتورت جىلدان استام ۋاقىت ايماقتىق ارنادا وتە تابىستى قىزمەت اتقاردى. ەندى جيناعان تاجىريبەسى مەن كاسىبي ءبىلىمىن قازاق راديوسىن باسەكەگە قابىلەتتى ەتۋگە جۇمسايتىنىنا سەنەمىز. راديونىڭ الدىنا قويىلعان مىندەت - ۇلتتىق سيپاتىن ساقتاي وتىرىپ, ودان ءارى دامىتۋ, زاماناۋي, وزىق مەدياعا اينالدىرۋ», دەدى «قازاقستان» رترك باسقارما توراعاسى ءلاززات تانىسباي.
ايتا كەتەيىك, نۇرتاس سولتان ۇلى 2019 جىلدان بەرى «قازاقستان» تەلەراديوكورپوراتسياسىنىڭ شىعىس قازاقستان وبلىستىق فيليالى «Altai» تەلەارناسىن باسقاردى.
