سۋرەتتى تۇسىرگەن – دميتري ەروفەەۆ
اگرارلى وڭىردە اۋەلى ماساقتى-ءداندى داقىلدار, ياعني ارپا, بيداي, س ۇلى تولىعىمەن ورىلىپ, 483,9 مىڭ توننا استىق باستىرىلدى. ورتاشا ونىمدىلىك گەكتارىنا 18,2 تسەنتنەردەن كەلەدى. بۇل – جامان ناتيجە ەمەس. وبلىستىق اۋىل شارۋاشىلىعى باسقارماسىنىڭ مالىمەتىنە قاراعاندا, سەبىلگەن 324,4 مىڭ گەكتار ءداندى داقىلداردىڭ 309,5 مىڭ گەكتارى نەمەسە 95,4 پايىزى ورىلىپ, 745,0 مىڭ توننا استىق باستىرىلدى. ونىڭ ورتاشا ونىمدىلىگى گەكتارىنا 24,1 تسەنتنەردى قۇراپ وتىر.
وسى ورايدا كۇرىش, كارتوپ, باقشا داقىلدارى مەن كوكونىس تولىعىمەن جينالىپ بىتكەن. اتاپ وتسەك, 1,07 مىڭ گا جەردەن 3,41 مىڭ توننا كۇرىش جينالىپ, ورتاشا شىعىمى ءار گەكتارىنان 32,0 تسەنتنەردى قۇراعان. سول سياقتى 7,6 مىڭ گا جەردەن 226,7 مىڭ كوكونىس, 1,8 مىڭ گەكتاردان 51,5 مىڭ توننا باقشا داقىلدارى جيناپ الىندى. كارتوپقا توقتالساق, 11,9 مىڭ گەكتاردان 245,3 مىڭ توننا جينالىپ, ورتاشا ونىمدىلىك گەكتارىنا 206,8 تسەنتنەرگە جەتتى.
كوپتىڭ كوڭىلىڭ كۇپتى قىلعان داندىك جۇگەرىنىڭ جايىنا ۇڭىلسەك. دالا ارۋىنىڭ 42,0 مىڭ گەكتارى نەمەسە 73,8 پايىزى جينالىپ, 257,6 مىڭ توننا ءونىم الىندى. ايتكەنمەن بيىل جۇگەرىدە باعا جوق, كۇننەن كۇنگە ءتۇسىپ بارا جاتىر. ال مايلى داقىلداردىڭ 67,4 مىڭ گەكتارى نەمەسە 83,6 پايىزى جينالىپ, ودان 127,8 مىڭ توننا ءونىم الىنسا, قانت قىزىلشاسىنىڭ 7,6 مىڭ گەكتارى نەمەسە 89,4 پايىزى قازىلىپ, 293,7 مىڭ توننا ءونىم جينالدى. ازىرگە ورتاشا ونىمدىلىك گەكتارىنا – 386,0 تسەنتنەر.
وسى رەتتە اۋىل شارۋاشىلىعى سالاسىندا بەلسەندى كۇرەڭبەلدىكتەردىڭ جاعدايىنان سىر تارتساق. جەتىسۋ جەرىندەگى جالپى اۋىل شارۋاشىلىعى ءوندىرىسىنىڭ 11,2 پايىزى كەربۇلاق اۋدانىنىڭ ۇلەسىندە. سوندىقتان اۋداننىڭ كورسەتكىشى وبلىس ءۇشىن وتە ماڭىزدى.
بيىل بۇل ءوڭىردىڭ اگرارلىق سەكتورىنا قۇيىلعان ينۆەستيتسيا كولەمى 9,8 ەسەگە ارتتى. اۋداندا نەگىزىنەن استىق وسىرىلەدى. بيىلعى ەگىس القابى 113,5 مىڭ گەكتارعا جەتكىزىلدى. ال ءداندى داقىلدار ەگىستىگى – 98,7 مىڭ گەكتار, بۇل كورسەتكىش بىلتىرعىمەن سالىستىرعاندا ءبىراز جوعارى.
اۋداندىق اۋىل شارۋاشىلىعى جانە جەر قاتىناستارى ءبولىمىنىڭ باسشىسى ءمادي ساۋىلحانوۆتىڭ ايتۋىنشا, بيىل زاماناۋي تەحنولوگيا قولدانىلا وتىرىپ, قانت قىزىلشاسى 700 گەكتارعا سەبىلگەن. كوكسۋ قانت زاۋىتىنا 31 مىڭ توننا قانت قىزىلشاسىنىڭ ءونىمىن وتكىزۋ جوسپارلانىپ وتىر.
كارتوپ شارۋاشىلىعى – باسىم باعىتتاردىڭ ءبىرى دەسەك, بۇل داقىل 1313 گەكتارعا ەگىلگەن. قازىر ونىڭ 900 گەكتارى جينالىپ, 21 مىڭ توننا ءونىم الىنعان. الداعى ۋاقىتتا ءىرى ينۆەستورلار اكەلىپ, كارتوپ ءوندىرىسىن ونەركاسىپتىك باعىتقا الماستىرۋ بويىنشا جۇمىس جۇرگىزىلەدى. الايدا سۋ شارۋاشىلىعى نىساندارىنىڭ ەسكىرۋىنەن سۋارمالى ەگىستىك القاپتارىنىڭ باسىم بولىگى ءتالىمدى جەر رەتىندە پايدالانىلۋدا.
قازىرگى ۋاقىتتا جامانبۇلاق, تالدىبۇلاق, ماتاي توعاندارى مەن ەڭكول, ارالتوبە سۋ قويمالارىن كۇردەلى جوندەۋ بويىنشا جوبالار ىسكە اسىپ جاتىر. ال كەلەسى كەزەڭدە ارالتوبە, ونجاس, قوعالى, باستاۋ, قارلىعاش, قىزىلمەكتەپ, شىمىلدىق, مايتوبە, اقتوبە, تۇلكىلى سۋارۋ ارنالارىنىڭ 135 شاقىرىمىن قايتا جاڭارتۋ كوزدەلۋدە, جوبالىق-سمەتالىق قۇجاتتامالارىن ازىرلەۋگە وبلىستىق بيۋدجەتتەن 148,9 ملن تەڭگە قاراستىرىلعان. بۇل جالپى اۋماعى 9515 گەكتار سۋارمالى جەردى اينالىمعا ەنگىزۋگە مۇمكىندىك بەرەدى. ونىڭ سىرتىندا, جولامان ماسسيۆىندەگى 700 گەكتار سۋارمالى ەگىستىكتى تولىق پايدالانۋ ءۇشىن جاڭبىرلاتقىش ماشينالار ساتىپ الىنىپ, ەگىستىك جۇمىسى جۇرگىزىلۋدە.
ءتورت ت ۇلىكتى قىستان امان الىپ شىعۋ ءۇشىن مال ازىعى قورىنىڭ جوسپارى بەكىتىلىپ, ءشوپ دايىنداۋ ناۋقانى تولىق اياقتالدى. ياعني170,2 مىڭ توننا ءشوپ, 54,9 مىڭ توننا سابان, 30,5 مىڭ توننا پىشەندەمە مەن سۇرلەم, 38,0 مىڭ توننا جەمدىك ازىق ازىرلەندى.
اۋداندا 9 مال بورداقىلاۋ الاڭى, 7 تاۋارلى ءسۇت فەرماسى جۇمىس ىستەيدى. بيىل 200 باسقا ارنالعان 1 تاۋارلى ءسۇت فەرماسىن اشۋ جوسپارلانىپ وتىر.
جەتىسۋ وبلىسى
