اتالعان باستاما بويىنشا بالا ىڭگالاپ دۇنيەگە كەلگەننەن باستاپ ونىڭ اتىنا قارجى اۋدارىلا باستايدى. بۇل قارجى 18 جاسقا تولعانشا جيناقتالىپ, بالالاردىڭ بولاشاعىنا جولداما بەرۋى ءۇشىن باسپانا الۋعا جانە ءبىلىم الۋعا جۇمسالادى. بۇل رەتتە ءبىر ماقساتتىڭ ء«بىلىم الۋ» دەپ بەلگىلەنگەنى وتە ماڭىزدى. ويتكەنى بالالارىن وقۋعا تۇسىرە الماي قينالىپ قالاتىن اتا-انالار بارشىلىق. اسىرەسە كوپبالالى وتباسىلار بارلىق بالاسىن تۇگەل قامتاماسىز ەتۋگە جاعدايى جەتە بەرمەيدى. بۇگىندە قوسىمشا ءبىلىمسىز, رەپەتيتوردىڭ كومەگىنسىز ءبىلىم گرانتىنا قول جەتكىزۋ وتە قيىن. ال ارنايى رەپەتيتور جالداپ, بالالارىنىڭ دايىندىعىن كۇشەيتۋگە كوپبالالى اتا-انالاردىڭ قالتاسى كوتەرمەي جاتادى. وسىنداي بالا-شاعاسى كوپ وتباسى كوبىنە الەۋمەتتىك جاعىنان از قامتىلعاندار ساناتىنا كىرەدى. ولار ءۇشىن الەۋمەتتىك باعدارلامالاردىڭ سەپتىگى مول. سوندىقتان دا «ۇلتتىق قور – بالالارعا» باعدارلاماسى پايدا بولعاندا, ەڭ الدىمەن, وسى كوپبالالى وتباسىلار ءۇشىن قۋانىپ وتىرمىن.
بۇيىرسا, كەلەسى جىلدان باستاپ باعدارلامانىڭ يگىلىگىن كورە باستايمىز. بۇل رەتتە قوردىڭ تابىسىن ارتتىراتىن ءىس-شارالار دا مىقتاپ قولعا الىناتىن شىعار دەپ ويلايمىن. بۇعان تابىسىن جاسىراتىن كاسىپكەرلەر دە اشىقتىققا كوشىپ, بالالاردىڭ قامى ءۇشىن كومەك ەتۋى كەرەك.
سونىمەن قاتار بولاشاقتا «ۇلتتىق قور – بالالارعا» باعدارلاماسى اياسىندا جينالعان قاراجاتتىڭ بالالاردىڭ ەمىنە جۇمساۋعا مۇمكىندىك بەرىلسە ەكەن دەگەن تىلەگىمىز بار. سەبەبى بالالارىنىڭ ەمىنە اقشا جەتكىزە الماي, كوپشىلىكتەن جىلۋ جيناپ جۇرگەندەر ءالى دە كوپ. مۇنداي كومەككە مۇقتاجداردىڭ بارلىعىنا «قازاقستان حالقىنا» قورى جەتكىلىكتى دەڭگەيدە قول ۇشىن سوزا الماي وتىر. وسى ورايدا اۋىر دەرتكە ۇشىراعان جانە مۇگەدەكتىگى بار بالالاردىڭ ەمىنە قاجەت قاراجات ماسەلەسىن قاپەرگە العان ءجون.
ءلاززات قوجاحمەتوۆا,
«Talbesik» كوپبالالى انالار وداعى» قوعامدىق بىرلەستىگىنىڭ جەتەكشىسى,
ۇلتتىق قۇرىلتاي مۇشەسى
