وسىدان ون كۇن بۇرىن شارلوتسۆيلدەگى تۋرنيردە توپ جارىپ, الەمدىك رەيتينگتە بىردەن 52 ساتىعا جوعارىلاعان قانداسىمىز بۇل جارىستى ءساتتى باستاعان ەدى. تۇساۋكەسەر كەزدەسۋىندە ول يتاليالىق ەنريكو داللا ۆاللەنى 6:1, 6:1 ەسەبىمەن ويسىراتا ۇتتى. بىراق ەكىنشى كەزەڭدە ب.جۇقاەۆتىڭ جولى بولمادى. بەيبىت اتر رەيتينگىندە وزىنەن 118 ساتى تومەن تۇرعان حورۆاتيانىڭ وكىلى نينو سەردارۋشيچكە ەسە جىبەردى. العاشقى سەت تاي-برەيككە دەيىن ۇلاسسا, ەكىنشىسىندە قارسىلاسىنىڭ مىسى باسىم بولدى – 6:7, 4:6. ەندى قازاق تەننيسشىسى امەريكا قۇرلىعىندا وتەتىن تاعى ءبىر تۋرنيرگە قاتىسۋدى جوسپارلاپ وتىر.
قازاقستاننىڭ بەسىنشى راكەتكاسى دەنيس ەۆسەەۆ شۆەتسيانىڭ داندەريۋد قالاسىندا شىمىلدىعى تۇرىلگەن جارىستىڭ العاشقى كەزەڭىندە جەرگىلىكتى ويىنشى كارل فريبەرگتى ءسۇرىندىردى – 6:2, 6:3. ەكىنشى اينالىمدا ول جاپونيالىق برەندون ناكاشيمومەن باق سىناسادى.
