فوتو: شقو تجد ءباسپاسوز قىزمەتى
شەبەردىڭ ءبىرى – شەمونايحا قالاسىنىڭ №28 ءورت ءسوندىرۋ ءبولىمىنىڭ ديسپەتچەرى ناتاليا لەيس-بىچكوۆا. ول ءحوببيى – توقىما توقۋمەن 8 جىلدان استام ۋاقىتتان بەرى اينالىسىپ كەلەدى. ونىڭ جۇمىستارىنىڭ ىشىندە ويىنشىقتار, كيىم-كەشەك, تۇرمىستىق زاتتار بار.
تاعى ءبىر شەبەر – توتەنشە جاعداي جۇيەسىندە 15 جىل قىزمەت ەتكەن, گلۋبوكوە اۋدانىنا قاراستى التايسكي كەنتىنىڭ №21 ءورت ءسوندىرۋ ءبولىمىنىڭ ديسپەتچەرى ناتاليا گەراسيموۆا ادەمى زاتتاردى دوستارىن, جاقىندارىن قۋانتۋ ءۇشىن توقيدى ەكەن.
كاتونقاراعاي اۋدانى 27-ءوسب باستىعىنىڭ ورىنباسارى ەلدار ىسقاقوۆ بوس ۋاقىتىن توكارلىق ستانوك الدىندا وتكىزەدى.
ازاماتتىق قورعاۋ اعا لەيتەنانتى ە.ىسقاقوۆتىڭ ايتۋىنشا اعاش ويۋعا دەگەن سۇيىسپەنشىلىككە ونى وقۋشى كەزىندە ەڭبەك مۇعالىمى باۋلىپ, سودان كەيىن اتالعان ءحوببيدى ءوز بەتىمەن جالعاستىرىپ كەتكەن. شىدامدىلىق پەن توزىمدىلىكتى قاجەت ەتەتىن اعاش وندەۋ قولونەرى – بۇل بىرنەشە ساعاتتىق تاجىريبە جانە مۇقيات جۇمىس. العاش كەسۋ تاقتاسىنان, وقتاۋدان, شام قويعىشتان باستاعان ول قازىرگى ۋاقىتتا ۇلتتىق ىدىس-اياق جاسايدى: استاۋ, توستاعان جانە ت.ب. ونى ءوزى ءۇشىن جانە جاقىندارى, دوستارى, ارىپتەستەرىنە تارتۋ ەتۋ ءۇشىن جاسايدى ەكەن.
وسكەمەن قالاسىنىڭ تج باسقارماسىنىڭ باس مامانى لاۋرا جانعازينا ءتۇرلى-ءتۇستى ماتالاردى قولدانۋ ارقىلى ۇلتتىق ويۋ-ورنەك سالىنعان كورپە-جاستىق, بۇيىمدار تىگەدى, اتالعان قولونەر دە ەرەكشە شەبەرلىك پەن توزىمدىلىكتى قاجەت ەتەتىنى ءمالىم.
اتا-بابادان قالعان ونەر مۇراسىنىڭ تانىمالدىعى جىل سايىن ارتىپ كەلەدى.
