ۇلىتاۋ وبلىسى اكىمدىگىنىڭ قولداۋىمەن وتكەن ءىس-شاراعا ەل وڭىرلەرىندەگى ارداگەرلەر ۇيىمدارىنىڭ جەتەكشىلەرى مەن وكىلدەرى قاتىستى. ۇلىتاۋ وبلىستىق ءماسليحاتىنىڭ توراعاسى باۋىرجان شىڭعىسوۆ وبلىستاعى ارداگەرلەرگە قاتىستى اتقارىلىپ جاتقان ءىس-شارالار جونىندە مالىمەت بەرىپ, جاس ۇرپاقتى وتاندىق پاتريوتيزمگە تاربيەلەۋدە اۋعانستان سوعىسى مەن چەرنوبىل اپاتىن جويۋعا قاتىسۋشىلاردىڭ ەڭبەگى وراسان ەكەنىن اتاپ ءوتتى. سونداي-اق ۇلىتاۋ وبلىستىق الەۋمەتتىك باعدارلامالار جانە دەنساۋلىق ساقتاۋ باسقارماسى باسشىلارى, جەرگىلىكتى قورعانىس ىستەرى جونىندەگى دەپارتامەنت وكىلدەرى وزدەرىنە ءتيىستى باعىتتا ارداگەرلەرگە كورسەتىلىپ جاتقان قىزمەتتەرى مەن كومەكتەرى جايىندا ايتتى.
فورۋمدا «Qazaqstan Ardagerleri» قاۋىمداستىعى وكىلدەرى كەلەسى جىلى اتاپ وتىلەتىن كەڭەس اسكەرىنىڭ اۋعانستاننان شىعارىلعانىنا 35 جىلدىعىنا وراي جۇرگىزىلىپ جاتقان جۇمىستار تۋرالى ءمالىم ەتتى. بۇگىنگى تاڭدا قورعانىس مينيسترلىگىنىڭ ۇيلەستىرۋىمەن ۇكىمەت جانىنداعى ۆەدومستۆوارالىق جۇمىس توبى قۇرىلعان. بۇل توپتا باسقا دا مينيسترلىكتەر مەن وبلىس اكىمدىكتەرىنىڭ باسشىلىق وكىلدەرى, سونىمەن قاتار بىرنەشە قوعامدىق ۇيىمنىڭ وكىلدەرى بار. 35 جىلدىققا ارنالعان جوسپار بويىنشا وڭىرلەردە اسكەري-پاتريوتتىق ءىس-شارالار وتكىزۋ, سالتاناتتى كەشتەر ۇيىمداستىرۋ, قايىرىمدىلىق اكتسيالار, مەرەكەلىك مەدال ازىرلەۋ جانە باسقا دا الەۋمەتتىك-رۋحاني باعدارلامالار قاراستىرىلعان.
«قازاقستاننىڭ چەرنوبىل ارداگەرلەرى قاۋىمداستىعى ورتالىق كەڭەسىنىڭ» توراعاسى قۇسايىن مۇستافا دا چەرنوبىل اپاتىن جويۋعا قاتىسۋشىلاردىڭ بۇگىنگى تاڭداعى الەۋمەتتىك جاعدايى, وسى باعىتتا قوعامدىق ۇيىمدار تاراپىنان جاسالىپ جاتقان جۇمىستار تۋرالى ويىن ورتاعا سالىپ, بىرقاتار ۇسىنىسىن ايتتى. سونداي-اق «قازاقستاننىڭ اۋعانستان سوعىسى جانە جەرگىلىكتى قارۋلى قاقتىعىستار ارداگەرلەرى رەسپۋبليكالىق وداعى» ۇيىمى توراعاسىنىڭ ورىنباسارى سەرىك وسانوۆ, پاۆلودار وبلىستىق «اۋعانستان سوعىسى ارداگەرلەرى وداعى» ۇيىمىنىڭ توراعاسى بايعابىل مايكوتوۆ اسكەري-پاتريوتتىق كلۋبتاردىڭ جۇمىسىن جاڭعىرتۋ بويىنشا ويلارىن ورتاعا سالدى. ماسەلەن, ءبىر عانا پاۆلودار وڭىرىندە اۋعانستان سوعىسى ارداگەرلەرى ۇيىمدارى جانىنان ۇيىمداستىرىلعان 40-قا جۋىق اسكەري-پاتريوتتىق كلۋبتار جۇمىس ىستەسە, كەيبىر وڭىرلەردە مۇنداي جۇمىس جۇرگىزىلمەيدى ەكەن.
جەزقازعان قالاسىندا وتكەن ارداگەرلەر فورۋمىندا ارداگەرلەرگە بەرىلەتىن مەملەكەتتىك جاردەماقىنىڭ كولەمىن ۇلعايتۋعا, مەديتسينالىق ساقتاندىرۋ بويىنشا جەڭىلدىك قاراستىرۋعا, تۇرعىن ۇيمەن قامتاماسىز ەتۋ جونىندە ۇسىنىس بىلدىرۋگە ۇيعارىم جاسالدى. سونىمەن قاتار وڭىرلەردەگى اسكەري-پاتريوتتىق كلۋبتاردىڭ جۇمىسىن جاڭعىرتۋ ماقساتىندا ءار جىل سايىن ءبىر وڭىردە ارداگەرلەر ۇيىمدارى جانىنداعى اسكەري-پاتريوتتىق كلۋبتاردىڭ سلەتىن وتكىزۋ تۋرالى باستاما كوتەرىلدى.
عالىم قوجابەكوۆ,
جۋرناليست
