باس-اياعى ءبىر تاۋلىكتىڭ ىشىندە ەكى بىردەي بىلعارى قولعاپ شەبەرى جانىبەكتى جەكپە-جەككە شاقىردى. العاشقى بولىپ دجيممي كەللي ءۇن قاتتى. 31 جاستاعى ۇلىبريتانيانىڭ تۋماسى 11 جىلدان اسا ۋاقىت ارالىعىندا 30 رەت رينگكە شىعىپ, ءۇش رەت قانا جەڭىلىس تاپتى. ونىڭ تەك ليام سميت, دەننيس حوگان جانە حايمە مۋنگياعا ءالى جەتپەدى. 10 كەزدەسۋدى كەللي مەرزىمىنەن بۇرىن اياقتادى. باق وكىلدەرىنە بەرگەن سۇحباتىندا ول «بىلتىر مەن قانات يسلامدى جەڭگەن ەدىم. ەندى تاعى ءبىر قازاقتى ساباۋعا شاما-شارقىم جەتەدى», دەپ كوپىرە سويلەدى.
كوپ كەشىكپەي تۇماندى البيون ەلىنىڭ تاعى ءبىر وكىلى تايلەر دەننيدىڭ داۋىسىن ەستىدىك. ول دا بۇل جەكپە-جەكتە ءوزىنىڭ جەڭىسكە جەتەتىنىنە سەنىمدى. 32 جاستاعى بوكسشى 2006 جىلدان بەرى كاسىپقويلار اراسىندا كۇش سىناسۋدا. سول كەزدەن بەرى 22 كەزدەسۋ وتكىزىپ, 17 رەت جەڭىسكە جەتتى. ەكى رەت ۇتىلىپ, تاعى ءۇش باسەكەدە تەڭ ەسەپ تىركەلدى.
