«قازاقستان ديپلوماتتارى وتانداستارىمىزعا بارلىق قاجەتتى كونسۋلدىق-قۇقىقتىق جانە پسيحولوگيالىق كومەك كورسەتتى. شەكاراداعى راسىمدەردەن كەيىن ءبىزدىڭ ازاماتتارىمىز كولوننا قۇرامىندا جولعا شىقتى جانە جاقىن ارادا كاير قالاسىنا جەتەدى.
ايتا كەتەتىن جايت, قازاقستان ازاماتتارىن گازا سەكتورىنان ەۆاكۋاتسيالاۋ كەزەڭ-كەزەڭمەن جۇرگىزىلىپ جاتىر. وسى ورايدا ءبىزدىڭ ديپلوماتتار يزرايل, مىسىر, پالەستينا ۇلتتىق اكىمشىلىگىنىڭ قۇزىرەتتى ورگاندارىمەن جانە باسقا دا حالىقارالىق ۇيىمدارمەن قالعان وتانداستارىمىزدى ەۆاكۋاتسيالاۋ بويىنشا جۇمىستى جالعاستىرادى», دەلىنگەن مينيسترلىك حابارلاماسىندا.
ايتا كەتەيىك, بارلىق ازاماتتارىمىز گازا سەكتورىنان كايرگە جەتكىزىلگەننەن كەيىن قر ۇكىمەتى ولاردى ەلگە جەتكىزۋ ءۇشىن ەۆاكۋاتسيالىق بورت جولدايدى.
