فوتو©Shutterstock
«پرەزيدەنت ءىس باسقارماسىنا قاراستى «بۋراباي» ۇلتتىق ساياباعى مەن «بۋراباي دامۋ» كاسىپورنى - ەلىمىزدە ءتۋريزمدى دامىتۋعا, اسەم تابيعاتتى قورعاۋعا ەرەكشە ۇلەس قوسىپ جۇرگەن ىرگەلى مەكەمەلەر. بيىل قاڭتار-قازان ايلارىندا ۇلتتىق پارككە كەلۋشىلەردىڭ جالپى سانى 600 مىڭنان استى. ارينە, سارىارقانىڭ جاۋھارى سانالاتىن ولكەگە حالىقتىڭ قىزىعۋشىلىعى ارتىپ كەلە جاتقانى قۋانتادى. دەگەنمەن, ادام اياعى كوبەيگەن سايىن, تۇمسا تابيعاتتى ساقتاۋ ىسىنە دە سوعۇرلىم كوبىرەك ماڭىز بەرۋگە تۋرا كەلەتىنىن ەسكەرگەن ءجون», دەدى ايبەك دادەباەۆ.
وسىعان دەيىن كۋرورتتىق ايماقتا Smart National Park Burabay جوباسىنىڭ ەكى كەزەڭى جۇزەگە اسىرىلعان. ءۇشىنشى كەزەڭ شەڭبەرىندە عىلىمي-زەرتتەۋ جۇمىستارىن باستاۋ, 5 وتكىزۋ-باقىلاۋ بەكەتىن اۆتوماتتاندىرۋ, قورشاعان ورتانى باقىلاۋعا جانە مونيتورينگ جاساۋعا ارنالعان 3 بەينەكامەرا قويۋ سىندى ينفراقۇرىلىمدىق جۇمىستار قولعا الىندى.
«بيىل ون ايدا ۇلتتىق پارك اۋماعىنداعى تۋريستىك مارشرۋتتارمەن سەرۋەندەگەن ادامداردىڭ سانى 33 مىڭنان اسىپ ءتۇستى. حالىقتىڭ قىزىعۋشىلىعى جوعارى ەكەنىنە كوز جەتكىزىلدى. سول ءۇشىن شۋچە جانە بۋراباي كولدەرىن اينالا سالىنعان ۆەلوجولدار مەن جاياۋ جۇرگىنشىلەرگە ارنالعان سوقپاقتار ءالى دە ۇزارا ءتۇسىپ, اقبۋرا كۋرورتىنا دەيىن جەتۋگە ءتيىس. الداعى ۋاقىتتا قوسىمشا 8 شولۋ الاڭىن, كولىك قوياتىن 4 الاڭ سالىنادى دەپ جوسپارلانىپ وتىر», دەپ بولىستى قر پرەزيدەنتىنىڭ ءىس باسقارۋشىسى.
سونداي-اق كۋرورتتىق ايماقتا بايلانىس پەن ينتەرنەت جۇيەسىن جەتىلدىرە ءتۇسۋ ءۇشىن جاڭادان ۇيالى بايلانىس ستانتسيالارى سالىنىپ, بۇرىنعى بازالىق ستانتسيالاردى جاڭارتۋ جوسپارلانىپ وتىر.
«جىلما-جىل ورمان القابىن ۇلعايتىپ وتىرۋ ءىسى دە جوسپار بويىنشا ءجۇرىپ جاتىر. بيىل اقىلباي ورمان شارۋاشىلىعىنىڭ اۋماعىنان جاڭا تالىمباق سالۋعا 50 گەكتار جەر بەلگىلەندى. ورمانشىلار تۇراتىن كوردوندار مەن كەڭسەلەردىڭ ءبىرازى جاڭارىپ, 6 ورمان شارۋاشىلىعىنىڭ ينسپەكتورلارى جاڭا قونىسقا كوشىپ ۇلگەردى», دەدى ايبەك دادەباەۆ.
