ءتىلشى كورشى شىمكەنت قالاسىندا 7-8 تەاتردىڭ جەكە-دارا وتاۋى بار ەكەنىن ايتا كەلىپ, تاراز تەاترلارىنا مۇنداي باق بۇيىرماعانىنا نازار اۋدارتادى.
اتالعان وڭىردەگى ءتىلشىمىز تاۋەلسىزدىك العان 30 جىل ىشىندە باتىس قازاقستان, تۇركىستان, قاراعاندى, قوستاناي, شىعىس قازاقستان, جەتىسۋ وبلىستارى مەن شىمكەنت قالاسىندا جاڭا تەاتر عيماراتتارى سالىندى. ەندىگى كەزەكتە تاراز قالاسىندا دا زاماناۋي تەاتر عيماراتىن سالۋ ۋاقىت تالابى بولىپ وتىرعانىن العا تارتادى.
ماقالادا وبلىستىق ءماسليحات دەپۋتاتى فاريدا ءجۇنىسوۆانىڭ جاستاردى مادەنيەتكە باۋلۋ, اعا بۋىننىڭ ۋاقىتىن قىزىقتى ۇيلەستىرۋ ىسىندە قوس تەاتردىڭ جالعىز ساحنانى كەزەكتەسە قولدانۋى كەدەرگى كەلتىرەدى دەگەن پىكىرى الىنعان.
ء«بىزدىڭ وڭىردە 1967 جىلى پايدالانۋعا بەرىلگەننەن بەرى قازاق جانە ورىس تەاترى ۇجىمدارى ءبىر عيماراتتا 56 جىل بىرگە جۇمىس ىستەپ كەلەدى. ەكى تەاتردىڭ ءبىر عيماراتتا وتىرىپ ەڭبەك ەتۋى بىرىنشىدەن, ەكى ۇجىمنىڭ دا شىعارماشىلىق جۇمىستارىنىڭ ساندىق جانە ساپالىق كورسەتكىشتەرىنىڭ دامىپ, جاقسارۋىنا كەرى اسەرىن تيگىزەدى. ويتكەنى جوسپارلانعان قويىلىمدار مەن مادەني ءىس-شارالار وتكىزۋ ءۇشىن تەاتر ساحناسى مەن كورەرمەندەر زالىن قازاق جانە ورىس دراما تەاترلارى ءبىر-ءبىر اپتادان كەزەكپەن پايدالانىپ وتىر», دەيدى فاريدا ءجۇنىسوۆا.
اۆتور سالاداعى وزگە دە كۇرمەۋلى ماسەلەلەرگە توقتالعان. ونىڭ ىشىندە تەاترعا كاسىبي مامانداردىڭ كەلمەۋى - وڭىردە جاستارعا الەۋمەتتىك جاعدايدىڭ جاسالماۋىمەن بايلانىستى دەپ تۇسىندىرەدى.
«تەاتر ماماندارىنىڭ تاپشىلىعىنىڭ ورىن الۋىنىڭ باستى سەبەبى – تاراز قالاسىندا جاس مامانداردىڭ الەۋمەتتىك ماسەلەلەرىن جاقسارتۋ ماسەلەسى شەشىمىن تاپپاي وتىرعاندىعىندا. وسى سەبەپتى تەاتر قىزمەتكەرلەرىنىڭ جالاقىسىن كوتەرۋ, جاس ارتىستەردىڭ اي سايىنعى پاتەر اقىلارىن بيۋدجەت ەسەبىنەن تولەۋگە مۇمكىندىك جاساۋ جانە ولاردىڭ ارنايى جەڭىلدەتىلگەن باعدارلاما بويىنشا پاتەر الۋلارىنا ىقپال ەتۋ ماسەلەسى شەشىمىن تابۋى قاجەت», دەيدى اۆتور.
جامبىل وبلىسىنداعى ونەر مەن مادەنيەتتىڭ اقساپ تۇرعان تۇستارىن سارالاعان ماتەريالدى گازەتىمىزدىڭ بۇگىنگى سانىنداعى ء«وڭىر مادەنيەتىنە تىڭ سەرپىن كەرەك» ماقالاسىنان تولىق وقي الاسىزدار.
