فوتو: اشىق دەرەككوزدەن
ءجۋرناليستىڭ «ساۋدا ورىندارىنان تاۋار العاندا تۇبىرتەكتە «ونىڭ ىشىندە قوسىلعان قۇن سالىعى» دەپ تۇرادى. قوسىلعان قۇن سالىعىنىڭ كوتەرىلگەنى قاراپايىم تۇتىنۋشىلاردىڭ قالتاسىنا تىكەلەي اسەر ەتەدى دەگەن ءسوز ەمەس پە؟», دەگەن سۇراعىنا ۇلتتىق ەكونوميكا ءمينيسترى جاۋاپ بەردى.
ءمينيستردىڭ ايتۋىنشا, قوسىلعان قۇن سالىعى ازىق-ت ۇلىك باعاسىنا اسەر ەتپەيدى.
«بىرىنشىدەن, ەلدە ازىق-ت ۇلىك ونىمدەرى نەگىزىنەن ءىرى سۋپەرماركەتتەردە, بازارلاردا ساتىلادى. اسىرەسە ءىرى ساۋدا ورىندارىندا, بازارلاردا ساۋدا جاسايتىنداردىڭ كوبى قوسىلعان قۇن سالىعىن تولەمەيدى. ياعني, ول ورىنداردا قوسىلعان قۇن سالىعىن تولەيتىندەردىڭ پايىزى از. ءبىز بولشەك سالىقتىڭ ارەكەت ەتۋ اياسىن كەڭەيتىپ جاتقاندىقتان ارنايى سالىق رەجيمى ارقىلى سالىق تولەۋشىلەردىڭ سانى كوبەيەدى. ياعني, وسى رەجيمگە ەنگەندەر قوسىلعان قۇن سالىعىن تولەمەيدى. بۇل, اسىرەسە, ازىق-ت ۇلىك نارىعىنا جاقسى اسەر ەتەدى. قورىتا كەلگەندە قوسىلعان قۇن سالىعىنىڭ ءوسۋى ازىق-ت ۇلىك باعاسىنا اسەر ەتپەيدى», دەدى الىبەك قۋانتىروۆ.
