«استانادا وتكەن تۇركى مەملەكەتتەرى ۇيىمىنىڭ ح سامميتىندە مەملەكەت باسشىلارىنىڭ شەشىمىمەن پروفەسسور اقتوتى رايىمقۇلوۆا حالىقارالىق تۇركى مادەنيەتى مەن مۇراسى قورىنىڭ پرەزيدەنتى قىزمەتىنە تاعايىندالدى. شتاب-پاتەرى باكۋدە ورنالاسقان حالىقارالىق ۇيىم باۋىرلاس ەلدەردىڭ مادەني مۇراسىن تۇگەندەۋ, زەردەلەۋ, ساقتاۋ, ورتاق ميراستى ناسيحاتتاۋ سياقتى ىرگەلى ىستەرمەن اينالىسادى. بۇعان دەيىن قوردى گۇناي افەنديەۆا باسقارىپ كەلدى. تامىرى تەرەڭ تۇركى مادەنيەتىنە قىزمەت ەتەتىن حالىقارالىق ۇيىمنىڭ تىزگىنىن ۇستاعان اقتوتى راحمەتوللاقىزىنا ساتتىلىك تىلەيمىز», دەپ جازدى د.قىدىرالى.
اقتوتى راحمەتوللاقىزى قۇرمانعازى اتىنداعى الماتى مەملەكەتتىك كونسەرۆاتورياسىنىڭ كومپوزيتسيا جانە فورتەپيانو ماماندىقتارى بويىنشا تۇلەگى. كوپتەگەن مۋزىكالىق تۋىندىلاردىڭ اۆتورى, ولاردىڭ ىشىندە «ەل باقىتى», «Apple of Peace», «كوكجال» كانتاتىسى, «تولعاۋ», «دالا سىرى» جانە ء«جاميليا», سيمفونيالىق پوەمالارىنىڭ, «اسپان كوشى» ەكى اكتىلى بالەتى, «الاتاۋ» پەساسى, «سوڭعى سەزىم», «تۇزدى ءشول», «اباي», «ەڭلىك-كەبەك», «ابىلايحان», «ەستايدىڭ قورلانى», «گاملەت», «قورقىتتىڭ كورى», «سىعان سەرەناداسى» سەكىلدى سپەكتاكلدەرگە مۋزىكالىق تۋىندىلاردىڭ, فيلمدەر مەن سەريالدارعا ساۋندترەكتەردىڭ اۆتورى.
ءتۇرلى جىلدارى قۇرمانعازى اتىنداعى الماتى مەملەكەتتىك كونسەرۆاتورياسىنىڭ كونتسەرتمەيستەرى جانە وقىتۋشىسى, قازاق مەملەكەتتىك قىزدار پەداگوگيگالىق ينستيتۋتىنىڭ وقىتۋشىسى بولىپ قىزمەت ەتتى. مادەنيەت مينيسترلىگىنىڭ مادەنيەت جانە ونەر ىستەرى كوميتەتىنىڭ ءتورايىمى بولدى.
2014 جىلى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى قىزمەتىن اتقاردى. 2016 جىلى مادەنيەت جانە سپورت ۆيتسە-ءمينيسترى لاۋازىمىندا بولدى. 2019 جىلى 17 ماۋسىمدا مادەنيەت جانە سپورت ءمينيسترى بولىپ تاعايىندالدى.
2022 جىلدىڭ ءساۋىر ايىندا «روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىنىڭ باسشىسى قىزمەتىنە تاعايىندالعان ەدى.
