بۇل اقپاراتتى قازاقستان ۇلتتىق قۇراماسىنىڭ باس باپكەرى ماگومەد اديەۆتىڭ ءوز اۋزىنان ەستىدىك. ەكەۋىنىڭ دە اۋىر جاراقاتى بار. 22 قازاندا شىمكەنتتە وتكەن پرەمەر-ليگانىڭ 25-تۋرىندا قاراعاندىنىڭ «شاحتەرىنە» قارسى كەزدەسۋدە «ورداباسىنىڭ» جارتىلاي قورعاۋشىسى اسحات تاعىبەرگەن اۋىر جاراقات الىپ, ويىندى جالعاستىرا المادى. ال وتكەن اپتادا تۇركيا چەمپيوناتىنىڭ 12-تۋرىندا «يستانبۇل باشاكشەحيردىڭ» ويىنشىسى «بەشيكتاشتىڭ» ساپىندا ونەر كورسەتىپ جۇرگەن باحتيەر ءزاينۋتدينوۆتى شىنتاقپەن ۇرىپ جىبەردى. جەرلەسىمىزدىڭ بەتى قانعا بويالىپ, 41-مينۋتتا باس باپكەر ونى وزگە فۋتبولشىمەن الماستىرادى. كەيىن بەلگىلى بولعانداي, باحتيەردىڭ مۇرىن سۇيەگى سىنىپ, كوزىنە دە قاتتى زاقىم كەلگەن ەكەن. سونىڭ سالدارىنان ەلىمىزدىڭ قوس مىقتى اياقدوپ شەبەرلەرى الداعى ماڭىزدى ماتچتارعا قاتىسا المايتىن بولدى.
