بايقاۋعا ەلىمىزدىڭ تۇكپىر-تۇكپىرىنەن 31 ۇمىتكەر قاتىسىپ, جەڭىمپازدار مەن جۇلدەگەرلەردى انىقتاۋعا فيلولوگيا عىلىمدارىنىڭ دوكتورى, اكادەميك شەرۋباي قۇرمانباي ۇلى باستاعان قازىلار القاسى اتسالىستى.
كونكۋرستىڭ العاشقى شارتى «تەرمين تالقى» ىرىكتەۋ كەزەڭىندە قاتىسۋشىلار «تەrmincوm.kz» سايتىنداعى «قازاق تەرمينولوگياسىنىڭ مازمۇنى مەن قۇرىلىمى» ەلەكتروندىق الاڭىنا تىركەلىپ, ءوز پىكىرلەرى مەن ۇسىنىستارىن جازسا, كەلەسى كەزەڭ «تەرمين زەردە» شارتى بويىنشا تاعامتانۋ سالاسى تەرميندەرىنىڭ ىشىنەن 15 تەرميندى تاڭداپ, ۇلگىگە سايكەس ساراپتاما جاسالدى. كەلەسى كەزەكتە ء«مازىرىڭىز ءازىر مە؟» اتتى تاقىرىپ تاڭدالىپ, وسى سۇراق بويىنشا قوعامدىق تاماقتانۋ ورىندارىنداعى بەس اس ءمازىرىنىڭ قازاق تىلىندەگى نۇسقاسى تالداۋ جاسالىپ, قاجەت دەگەن جاعدايدا قاتىسۋشى بالاما نۇسقالارىن ۇسىندى. ەڭ سوڭعى «تەرمين-تەزيس» كەزەڭىندە ۇمىتكەرلەر تاعامتانۋ سالاسى نەمەسە اس ءمازىرىن قالىپتاستىرۋدىڭ وزەكتى ماسەلەلەرى بويىنشا تەزيس ازىرلەدى.
بارلىق جاعىنان جوعارى دايىندىقپەن كەلگەن قىزىلوردا قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى گۇلزات شىنتاسوۆا باس جۇلدەنى جەڭىپ الدى. ءبىرىنشى ورىنعا ل.ن.گۋميلەۆ اتىنداعى ەۇۋ ماگيسترانتى دانا تالعاتبەك يە بولسا, كەلەسى ورىنداردى شىمكەنت قالاسىنداعى ج.تاشەنوۆ ۋنيۆەرسيتەتىنىڭ ماگيسترانتى بالنۇر بالتابايقىزى, كوكشەتاۋلىق شولپان ماحامبەتوۆا مەن «استانا اقشامى» گازەتىنىڭ شولۋشىسى قالياكبار ۇسەمحان ءوزارا ءبولىستى. بۇلاردان باسقا بەلسەندىلىك تانىتقان ءتورت ۇمىتكەر العىسحاتپەن ماراپاتتالدى.
