بالۋان شولاق اتىنداعى سپورت سارايىندا وتكەن ءدۇبىرلى دودانىڭ جالپىكوماندالىق ەسەبىندە جەرلەستەرىمىز باس جۇلدەنى ولجالادى. بارلىعى 8 التىن, 8 كۇمىس جانە 14 قولا مەدالدى يەلەندىك. جەكەلەگەن سپورتشىلار جايىندا ايتار بولساق, ءوز سالماق دارەجەلەرى بويىنشا ۇلمەكەن جالعاس (68 كگ), بەللا ساماشەۆا (55 كگ), دايانا دارەنسكايا (61 كگ), دياس اناربەكوۆ (+84 كگ), جولامان بيعابىل (60 كگ), ەرسۇلتان تاڭىبەرگەن (67 كگ) جانە دياس ۇلبەك (84 كگ) سىندى دۇلدۇلدەر قارسىلاس شاق كەلتىرمەدى. كۋميتەدەن ەرلەر قۇراماسى التىن السا, ايەلدەر قولاعا قول سوزدى. جالپى ەسەپتە ەكىنشى جانە ءۇشىنشى ورىنداردى يران (3+2+3) مەن ءباا-ءنىڭ (2+0+0) كاراتەشىلەرى ەنشىلەدى.
سونىڭ الدىندا عانا جوعارىدا اتالعان مەملەكەتتەردىڭ جاستارى ازيا بىرىنشىلىگىنىڭ جۇلدەلەرىن ساراپقا سالعان ەدى. ول جارىستا قازاقستاننىڭ ورەندەرى جاپونيادان عانا قالىپ قويىپ, ەكىنشى ساتىعا تۇراقتادى.
