جاستار اراسىنداعى الەم بىرىنشىلىگىنىڭ كۇمىس جۇلدەگەرى, ەلىمىزدىڭ ءۇش دۇركىن چەمپيونى دەگەن اتاقتارى بار 19 جاستاعى وتانداسىمىز قىسقا باعدارلامادا 89,94 ۇپاي جيىپ, ءۇشىنشى ورىندى يەلەندى. وسى ناتيجەنىڭ ارقاسىندا ول كەلەسى كۇنى دە جارىس جولىنا شىقتى. شايدورين ەركىن باعدارلامانى 174,52 ۇپايمەن قورىتىندىلادى. ناتيجەسىندە, 264,46 ۇپاي جيعان الماتىلىق سپورتشى قولا مەدالدى موينىندا جارقىراتتى.
گران-پري ءتۋرنيرى سەنساتسيالىق ناتيجەمەن اياقتالدى. جارىستىڭ باستى ءفاۆوريتى – وليمپيا ويىندارىندا ءۇش رەت جەڭىس تۇعىرىنا كوتەرىلىپ, الەم چەمپيوناتىندا التىن مەن كۇمىستى قوس-قوستاپ العان جاپونيانىڭ جۇلدىزى شوما ۋنو ەكىنشى ورىندى قاناعات تۇتتى. ال باس جۇلدە بيىلعى ەۋروپا چەمپيونى, فرانتسيالىق ادام سياو حيم فاعا بۇيىردى.
