«جاعالاۋ شاعىن اۋدانى - قالانىڭ قارقىندى دامىپ كەلە جاتقان شاعىن اۋداندارىنىڭ ءبىرى. مۇندا ۇلكەن جۇمىستار ورىندالۋى قاجەت: الەۋمەتتىك نىساندار سالۋ, جول-كولىك ينفراقۇرىلىمى, جارىقتاندىرۋ جۇرگىزۋ, اباتتاندىرۋ ماسەلەلەرى جانە ت.ب.
قالانى ارالاۋ بارىسىندا بىرنەشە ورىنعا باردىم.
ماڭىزدى ماسەلەلەردىڭ ءبىرى - مەكتەپ سالۋ. نۇرا اۋدانىنىڭ وزىندە «جايلى مەكتەپ» جوباسى بويىنشا 2024-2025 جىلدارى 9 مەكتەپ سالىنادى.
اباتتاندىرۋعا توقتالار بولساق, بيىل «نۇرا» اۋدانىندا 5 قوعامدىق كەڭىستىك اباتتاندىرىلدى.
ولاردىڭ ءبىرى - «جاعالاۋ» تۇرعىن ءۇي كەشەنىنىڭ ماڭىندا جىلدار بويى بوس جاتقان ۋچاسكە اباتتاندىرىلدى.
وندا اۆتوتۇراعى بار 12 قاباتتى كوپفۋنكتسيونالدى كەشەن سالۋ جوسپارلانعان بولاتىن. سول سياقتى ايتماتوۆ كوشەسىنىڭ بويىندا كوگالداندىرۋ جۇمىسى قولعا الىندى. 1 مىڭنان استام اعاش وتىرعىزىلدى», دەپ جازدى اكىم.
سونداي-اق «شىعىس» تۇرعىن ءۇي كەشەنىنىڭ ارتىنداعى بينوم مەكتەبىنە دەيىنگى كوشەلەردىڭ (ە-12 ,ە-14, ە-15, ە-32, ە–35) قۇرىلىسى اياقتالدى. وندا شارۋاشىلىق-تۇرمىستىق كارىز, نوسەر كارىزى, سۋ قۇبىرى جابدىقتالعان, جارىقتاندىرۋ كابەلدەرى ءىشىنارا توسەلگەن.
دەگەنمەن, اكىمنىڭ ايتۋىنشا, شاعىن اۋداندا جارىقتاندىرۋ ماسەلەسى ءالى دە بار.
«جەلىلەردىڭ ءبارى بالانسقا بەرىلمەگەن. ءبىز ولاردى كەزەڭ-كەزەڭىمەن قالانىڭ بالانسىنا قابىلدايمىز. كوكتەمدە كوشە قۇرىلىسى, اۋلا مەن قوعامدىق كەڭىستىكتى اباتتاندىرۋ, كوگالداندىرۋ جانە ت. ب. جۇمىستى جالعاستىرامىز», دەپ جازدى جەڭىس قاسىمبەك.
