فوتو: Turizm_jane_sport_ministrligi
بيىل العاش رەت ۇيىمداستىرىلعان قۇرلىقتىڭ اشىق چەمپيوناتىندا يران قۇراماسى 3 التىن, 2 كۇمىس, 3 قولا مەدالمەن ەكىنشى ساتىعا تۇراقتادى. ۇشتىكتى 2 التىن جۇلدە العان بىرىككەن اراب امىرلىكتەرىنىڭ سپورتشىلارى تۇيىندەدى.
ازيانىڭ اشىق چەمپيوناتىنا گەرمانيا, ءۇندىستان, يران, قازاقستان, كۋۆەيت, قىرعىزستان, رەسەي, تۇرىكمەنستان, ساۋد ارابياسى, بىرىككەن اراب امىرلىكتەرىنەن 140-قا جۋىق سپورتشى قاتىستى.
«وتاندىق كاراتەشىلەردى I ازيا اشىق چەمپيوناتىندا كورسەتكەن تاماشا جەتىستىگىمەن قۇتتىقتايمىن. مۇنىڭ الدىندا جاس جەتكىنشەكتەرىمىز دە ۇزدىكتەر قاتارىنان كورىنسە, بۇل جولى ەرەسەكتەر قۇرامامىز ەل مەرەيىن تاسىتتى. مۇنداي ءىرى جارىستا, ءوز ەلىمىزدە وتكەن بايراقتى باسەكەدە ۇزدىكتەردىڭ ۇزدىگى بولۋ قاشاندا ماڭىزدى. سىزدەر بۇل جەتىستىكتەرىڭىز ارقىلى وسكەلەڭ ۇرپاققا زور ۇلگى كورسەتتىڭىزدەر», دەدى تۋريزم جانە سپورت ءمينيسترى ەرمەك مارجىقپاەۆ.
