فوتو: Malim.kz
ەسكە سالايىق, مەملەكەت باسشىسى بيىلعى جولداۋىندا قازاقستاندا اتوم ەلەكتر ستاتسياسىن سالۋ ماسەلەسى بويىنشا الدىن الا حالىق اراسىندا قوعامدىق تالقىلاۋلار ۇيىمداستىرىپ, جالپىۇلتتىق رەفەرەندۋم وتكىزۋ تۋرالى باستاما كوتەردى. جولداۋدا پرەزيدەنت رەفەرەندۋم وتكىزۋ مەرزىمى كەيىنىرەك انىقتالاتىنىن اتاپ ءوتتى.
«قوعامدىق تالقىلاۋلارعا اتوم سالاسىنىڭ ساراپشىلارى قاتىسادى. تالقىلاۋلار بارىسىندا ازاماتتار اەس سالۋداعى تەحنولوگيانىڭ قاۋىپسىزدىگى, سونداي-اق ونىڭ الەۋمەتتىك-ەكونوميكالىق اسپەكتىلەرى بويىنشا وزدەرىن تولعاندىراتىن بارلىق سۇراقتاردى قويا الادى», دەلىنگەن اكىمدىكتىڭ رەسمي تەلەگرام ارناسىندا.
قوعامدىق تالقىلاۋ سەمەي قالاسى, ق.مۇحامەدحانوۆ كوشەسى, 14 مەكەنجايىنداعى رىمبەك بايسەيتوۆ اتىنداعى قارجى-ەكونوميكالىق كوللەدجىنىڭ اكت زالىندا 15 قاراشادا ساعات 17.00-دە وتەدى.
