فوتو: ءسىم ءباسپاسوز قىزمەتى
وسى كەلىسىمنىڭ 1-ءشى بابىنا سايكەس ەكى ەلدىڭ ازاماتتارى جەكە ىستەردى, ءتۋريزمدى, ەم قابىلداۋدى, حالىقارالىق تاسىمالداردى, ترانزيتتىك, سونداي-اق ىسكەرلىك ماقساتتاردى جۇزەگە اسىرۋ ءۇشىن ۆيزالىق تالاپتاردان بوساتىلادى. وسى رەتتە ازاماتتاردىڭ ەكى مەملەكەت اۋماعىندا بولۋ مەرزىمى كۇنتىزبەلىك 30 (وتىز) كۇننەن اسپايتىن مەرزىمدەگى كەزەڭگە, ال كۇنتىزبەلىك 180 ء(جۇز سەكسەن) كۇن ىشىندە جيىنتىعىندا كۇنتىزبەلىك 90 (توقسان) كۇننەن اسپاۋى قاجەت.
ازاماتتاردا 30 كۇننەن ارتىق بولۋ قاجەتتىلىگى بولعان جاعدايدا, ءتيىستى ساناتتاعى كىرۋ ۆيزاسىن الدىن الا راسىمدەۋ قاجەت. ۆيزاسىز رەجىم جۇمىسقا ورنالاسۋعا, وقۋعا جانە ميسسيونەرلىك قىزمەت اتقارۋعا قۇقىق بەرمەيدى.
جوعارىدا اتالعان كەلىسىم قحر گونكونگ جانە ماكاو ارنايى اكىمشىلىك اۋداندارىنىڭ اۋماعىنا بارۋعا قولدانىلمايدى. قازاقستان ازاماتتارى گونكونگقا ۆيزاسىز 14 (ون ءتورت) كۇننەن اسپايتىن مەرزىمگە بارا الادى, ال ماكاوعا بارۋ ءۇشىن ۆيزا راسىمدەۋ قاجەت.
قازاقستاندىقتار 34 ەلگە ۆيزاسىز بارا الادى. اتالعان ەلدەردىڭ تىزىمىمەن مىنا سىلتەمە ارقىلى تانىسۋعا بولادى.
