كەزدەسۋگە قاتىسۋشىلار دوستاستىق كەڭىستىگىندەگى قاۋىپسىزدىكتى قامتاماسىز ەتۋدىڭ وزەكتى ماسەلەلەرى جونىندە جان-جاقتى پىكىر الماستى.
تاراپتار قازىرگى جاعايداعى حالىقارالىق قاۋىپسىزدىكتىڭ سىن-قاتەرلەرى مەن قاۋىپتەرىنە, گيبريدتى قاۋىپ كۇشەيگەن كەزدە قوعامدىق-ساياسي تۇراقتىلىقتى قامتاماسىز ەتۋگە, سونداي-اق سۋدى پايدالانۋعا جانە تمد ەلدەرىندەگى سۋ رەسۋرستارىن بىرلەسىپ باسقارۋ, پايدالانۋ جانە قورعاۋ سالاسىنداعى ىنتىماقتاستىققا قاتىستى ماسەلەلەردى تالقىلادى.
قازاقستان رەسپۋبليكاسى قاۋىپسىزدىك كەڭەسىنىڭ حاتشىسى عيزات نۇرداۋلەتوۆ ارىپتەستەرىنە وڭىرلىك قاۋىپسىزدىكتىڭ نەگىزگى باعىتتارى بويىنشا قازاقستاننىڭ ۇستانىمى تۋرالى مالىمەت بەردى. سونداي-اق مەملەكەتىمىزدىڭ مۇددەسىن ەسكەرە وتىرىپ, ءوزارا ءىس-قيمىلدى دامىتۋ جونىندە بىرقاتار ۇسىنىس ايتتى.
