وقۋشىلاردىڭ كىتاپ وقۋعا دەگەن قىزىعۋشىلىعىن ارتتىرۋ, تانىم كوكجيەگىن كەڭەيتۋ ماقساتىندا ۇيىمداستىرىلىپ وتىرعان جوبا اياسىندا بالالار كۇندە 8 مينۋت كىتاپ وقيدى. ياعني ءار ءۇزىلىس سايىن ساباق باستالماس بۇرىن 8 مينۋت ۋاقىتىن كىتاپ وقۋعا بولەدى.
«بۇل جوبانى باستاۋداعى ماقساتىمىز ءاربىر وقۋشى كوركەم ادەبيەت وقىسا ەكەن دەيمىز. سەبەبى كىتاپ وقىعان وقۋشىنىڭ ءبىلىمى, وي-ءورىسى كەڭەيەدى. كىتاپ وقۋدىڭ پايداسى وراسان زور. سوزدىك قوردىڭ كوبەيۋىنە, ميدىڭ كۇندەلىكتى جاتتىعۋىنا جانە ەستە ساقتاۋ قابىلەتىنىڭ جەتىلىپ, بالانىڭ شىعارماشىلىق ويلاۋ جۇيەسىن جاقسارتادى. بۇعان قوسا, ءبىلىم ساپاسىن كوتەرۋگە تيگىزەر اسەرى مول. سول سەبەپتى وسى جوبانى قولعا الىپ, مەكتەپتەرگە ەنگىزىپ وتىرمىز», دەيدى استانا قالاسى ءبىلىم باسقارماسىنىڭ باسشىسى قاسىمحان سەنعازىەۆ.
سونداي-اق مەكتەپتەردە «بۋككروسينگ» بۇرىشتارى اشىلادى. وندا وقۋشىلار ءبىر-بىرىمەن كىتاپ الماسادى. مەكتەپتەردىڭ فويەلەرىندەگى كوۆوركينگ زونالار دا بالالارعا ارنالعان.
«بۇگىن ءبىزدىڭ مەكتەپتە «8 مينۋتتىق وقۋ» كىتاپ وقۋ جوباسى باستالدى. ءبىز ءبىرىنشى ساباقتىڭ الدىندا كوركەم ادەبيەت وقىدىق. مەن ساپارعالي بەگاليننىڭ «بالا شوقان» شىعارماسىن وقۋدى باستادىم. بۇگىن 8 مينۋتتا 5 بەت وقىدىم. دەمەك ءبىر ايدا وسى قارقىنمەن تولىق ءبىر كىتاپتى اياقتايتىن سياقتىمىن. وسى كىتاپتى اياقتاعان سوڭ, باسقا شىعارمالاردى دا وقيمىن. كىتاپ وقۋ جوباسىنىڭ باستالۋىنا قاتتى قۋاندىم. ويتكەنى تالاپ ەتپەسە, بالالار كىتاپ وقىمايدى. ءبارىڭىزدى كىتاپ وقۋعا شاقىرامىن», دەيدى №90 مەكتەپتىڭ 5-سىنىپ وقۋشىسى ءامينا سارسەنباي.
