«جاستار» عىلىمي-زەرتتەۋ ورتالىعى «Next time» قوعامدىق قورىمەن بىرلەسە الەۋمەتتىك زەرتتەۋ ناتيجەلەرىنىڭ تۇساۋكەسەرىن وتكىزدى. ءىس-شارادا زەرتتەۋ جان-جاقتى تالقىلانىپ, ۇسىنىس-پىكىرلەر تىڭدالدى. پىكىرتالاس الاڭىنىڭ جۇمىسىنا مەملەكەتتىك ورگاندار مەن عىلىمي-زەرتتەۋ ورتالىقتارىنىڭ, ۇەۇ وكىلدەرى مەن جاستار ساياساتى سالاسىنداعى ساراپشىلار قاتىستى.
قۇجاتتا مەملەكەت نازار سالۋعا ءتيىس ءبىراز ماسەلەلەر تىزبەكتەلگەن. اشىپ ايتساق, تومەن جالاقىنىڭ – 32,6 پايىزى, ەكولوگيا پروبلەماسىنىڭ – 28,5 پايىزى جانە جۇمىسسىزدىقتىڭ 27,2 پايىزى بەلگىلەگەن. ەل بولاشاعىنا تۇساۋ بولاتىن وزەكتى ماسەلەلەر قاتارىنا جاستار قىلمىستىڭ ءوسۋىن (31,9%) جانە بارلىق سالالارداعى اۋقىمدى سىبايلاس جەمقورلىقتى (31,4%) دا كورسەتكەن.
«اۋقىمدى قوعامدىق جانە تەحنولوگيالىق ترانسفورماتسيالار, اقپاراتتىق اعىنداردىڭ ءوزارا ەنۋى جاعدايىندا الەۋمەتتىك قاتىناستاردىڭ بۇكىل جۇيەسى, ونىڭ ىشىندە قۇندىلىق باعدارلارى مەن حالىقتىڭ جالپى ەموتسيونالدى فونى ايتارلىقتاي وزگەرىستەرگە ۇشىرايدى. بۇل ترەندتەر جاستاردىڭ كوڭىل كۇيى مەن دۇنيەتانىمىنا ايتارلىقتاي اسەر ەتۋى مۇمكىن. جاستاردى الەۋمەتتەندىرۋ ۇدەرىسىندە ناشاقورلىق, قۇمار ويىندار جانە قورقىتۋ ماسەلەلەرى دە وزەكتى. اتاپ ايتقاندا, رەسپوندەنتتەر وزدەرى نەمەسە ولاردىڭ اينالاسىنداعىلار ماريحۋانا سياقتى ەسىرتكى تۇرلەرىمەن – 40,7, جىلدامدىقپەن – 30,5 جانە كوكاينمەن 27,1 پايىزى كەزدەسكەنىن اتاپ ءوتتى. 18-21 جاس ارالىعىنداعى رەسپوندەنتتەر – ماريحۋانانى, 31-34 جاستاعى ۇلكەندەرى كوكايندى ءجيى اتاپ ءوتتى», دەدى «جاستار» عىلىمي-زەرتتەۋ ورتالىعىنىڭ ديرەكتورى ايسۇلۋ ەرنيازوۆا.
بۇگىندە قوعامنىڭ وزەگىن ورتەيتىن تۇيتكىلگە اينالعان لۋدومانيا تۋراسىندا دا زەرتتەۋ جۇرگىزىلگەن. پىكىرتالاس اياسىندا جاستاردىڭ سپورتتىق ءباس تىگۋگە – 78,9, ونلاين باس تىگۋگە 65,2 پايىزى كەزىككەن. ولار مۇنداي فورماتتاعى جارنامالاردىڭ كوپشىلىگىن كوشەدەن, كينو, تەلەحيكايالاردى ينتەرنەتتەن كورۋ بارىسىندا جولىقتىرعان.
«زەرتتەۋ ناتيجەلەرى قازىرگى جاستاردىڭ الەۋمەتتەنۋ قاۋپى دامۋدىڭ ەكونوميكالىق جانە الەۋمەتتىك-مادەني اسپەكتىلەرىنە اسەر ەتەتىندىگىن كورسەتەدى. بۇل پروبلەمالار بۇگىندە جالپى حالىقتىڭ 28,9 پايىزىن قۇرايتىن جاستارمەن قارىم-قاتىناس ورناتۋعا ايتارلىقتاي قىسىم جاساۋى مۇمكىن ەكەنىن ءتۇسىنۋ ماڭىزدى», دەپ تۇيىندەدى جيىنعا قاتىسقان الەۋمەتتانۋشى ءالىمحان كۇدەرينوۆ.
داريعا قۇرمانالى,
ل.ن.گۋميلەۆ اتىنداعى
ەۇۋ 4-كۋرس ستۋدەنتى
